БУДЗЕ ВОБЛАЧНА...
...але вышэй нуля. Тэмпэратура: 0 — +5.
НЕ ПРАХОДЗЬЦЕ МІМА:
Сустрэча з польскім кінарэжысэрам Кшыштафам Занусі. Унівэрсытэт культуры, Менск, 11:00.
Выступ польскага джазавага піяніста Адама Маковіча. Белдзяржфілармонія, Менск.
ТАМ, ДЗЕ НАС НЯМА:
"Transparency International" агучвае сёлетні індэкс карумпаванасьці для 180 краінаў сьвету. Вашынгтон.
Дэлегацыя Палаты прадстаўнікоў едзе на Каўказ вывучаць пытаньне прызнаньня Беларусьсю незалежнасьці Абхазіі і Паўднёвай Асэтыі.
ТАКСАМА Ў ГЭТЫ ДЗЕНЬ:
У 1828 у маёнтку Станькава каля Койданава прыйшоў на сьвет граф Эмэрык Чапскі. Ён стаў дзяржаўным дзеячом і мэцэнатам, а таксама выдатным калекцыянэрам, стварыў у Станькаве музэй старажытнасьцяў. Сёньня ў Станькаве ад графа Чапскага засталіся толькі парк і будынак музэю, а сама яго калекцыя раскіданая па ўсім сьвеце.
У 1898 нарадзіўся Вінцэнт Гадлеўскі, беларускі рэлігійны і грамадскі дзеяч.
У 1989 міліцыя жорстка разагнала антыкамуністычную дэманстрацыю студэнтаў у Празе. Дата стала пачаткам гэтак званай "аксамітнай рэвалюцыі" ў Чэхаславаччыне, а пазьней — нацыянальным сьвятам Чэхіі пад назвай Дзень змаганьня за свабоду і дэмакратыю.
ЁСЬЦЬ НАГОДА:
Міжнародны дзень студэнта.
ЦЫТАТА НА ПАМЯЦЬ:
"Чым больш карупцыі ў краіне, тым больш законаў" — выказваньне, якое прыпісваюць рымскаму гісторыку Тацыту.