Лінкі ўнівэрсальнага доступу

Хамайда затрыманы другі раз за тыдзень


Барыс Хамайда

Як апазыцыянэру паведамілі міліцыянты, загад на ягонае затрыманьне аддаў начальнік Чыгуначнага РАУС.

Барыса Хамайду затрымалі каля так званага “Сіняга дому” — дому № 28 па вуліцы Леніна. Супрацоўнікі міліцыі сказалі, што ў пастарунку будуць разглядаць зьмест незалежных выданьняў, якія ён распаўсюджвае.

Гэта ўжо другое затрыманьне цягам тыдня: 11-га лістапада распаўсюдніка таксама затрымалі і завезьлі ў райаддзел міліцыі Чыгуначнага раёну. Там спадара Хамайду пратрымалі больш за тры гадзіны і адпусьцілі, так і ня склаўшы аніякіх дакумэнтаў.

Распаўсюднік перакананы, што яго нездарма прымусілі марнаваць час у міліцыі. Тыдзень таму ён аднавіў свае выхады да так званага “Сіняга дому” пасьля амаль чатырохмесячнага перапынку. Перанёсшы хваробу і апэрацыю, ён мусіў пэўны час берагчы здароўе, а цяпер зноў прыцягвае ўвагу мінакоў, прапануючы ім недзяржаўныя выданьні.

Барыса Хамайду трымалі ў пастарунку, пакуль супрацоўнікі міліцыі не перапісалі назвы ўсіх выданьняў і выдавецтваў.

Ваша меркаваньне

Паказаць камэнтары

XS
SM
MD
LG