Лінкі ўнівэрсальнага доступу

Эўрапейскі Форум — на вуліцы?


Юрась Губарэвіч
Юрась Губарэвіч

Беларускі Эўрапейскі Форум адбудзецца 14 лістапада незалежна ад рашэньня менскіх уладаў. Пра гэта сёньня заявіў на паседжаньні Рады Руху “За Свабоду” намесьнік старшыні арганізацыі Юрась Губарэвіч.

На заяўкі, накіраваныя ў чатыры буйныя сталічныя залі, станоўчага адказу пакуль няма: прынамсі, з Палацу спорту і кінатэатра “Кастрычнік” атрыманы адмовы. Улічваючы ўсе абставіны, на паседжаньні прынятае рашэньне — рэкамэндаваць аргкамітэту Форуму праводзіць мерапрыемства 14 лістапада з удзелам дыпляматаў і замежных палітыкаў у любым выпадку, калі давядзецца, то і ў вулічным фармаце.

Паводле спадара Губарэвіча, ужо адбыліся 72 сходы з заплянаваных 86. Яны праходзяць ва ўсіх рэгіёнах Беларусі. Акрамя таго, да прадстаўнікоў аргкамітэта зьвярнуліся беларускія студэнты, якія часова пражываюць за мяжой, з прапановай правесьці сходы грамадзянаў Беларусі для вылучэньня дэлегатаў на Форум у Вільні і Варшаве.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG