Лінкі ўнівэрсальнага доступу

Сёньня – трэцяя гадавіна забойства Паліткоўскай


Сёньня спаўняецца трэцяя гадавіна з дня забойства расейскай журналісткі Ганны Паліткоўскай.

Паліткоўская, якая актыўна крытыкавала тагачаснага прэзыдэнта Расеі Уладзіміра Пуціна і расейскую палітыку ў Чачні, была застрэлена ў Маскве. Забойства застаецца нераскрытым. Напярэдадні дзеці загінулай сказалі, што пачынаюць губляць надзею на справядлівасьць і абвінавацілі ўлады ў нежаданьні правесьці належнае расьсьледваньне.

Сваякі Ганны Паліткоўскай і іх адвакаты распавялі пра пэрспэктывы новага расьсьледаваньня справы пра забойства журналісткі. Што атрымалася пазнаць і якія пытанні засталіся без адказу?

Вера Паліткоўская, дачка Ганны Сьцяпанаўны:

— Тры гады мінула з таго моманту, як маму забілі. Вядома, уся наша сям'я паступова пачынае губляць надзею, што тыя, хто мае дачыненьне да злачынства, будуць знойдзены і асуджаны. Сыходзіць час, а разам з ім губляюцца і шанцы знайсьці тых людзей, якія маюць дачыненьне да забойства.

Пасьля забойства журналісты і праваабаронцы высоўвалі мноства вэрсій пра тое, хто мог быць замоўцам злачынства. Аднак калі справа прыйшла ў Маскоўскі акруговы ваенны суд, на лаве падсудных апынуліся толькі меркаваныя памагатыя і арганізатар, у выніку апраўданыя калегіяй прысяжных. Гэты прысуд быў адменены Вярхоўны судом Расеі. А праз некалькі месяцаў, той жа Вярхоўны суд пастанавіў вярнуць у пракуратуру справа ў адносінах да Ібрагіма і Джабраіла Махмудавых, Сяргея Хаджыкурбанава і Паўла Рагузава для аб'яднаньня з так званай асноўнай справай, у якой фігуруюць меркаваны забойца Рустам Махмудаў і мноства нявызначаных асобаў.

Ільля, сын Ганны Паліткоўскай, лічыць гэта добрым знакам:

— У сьледзтва зьявіўся новы шанец. І гэты шанец апошні, хацелася б, каб ім скарысталіся.

Далей чытайце ТУТ

Гл. таксама:

Справа Паліткоўскай зноў у судзе

Расея: Паліткоўскую забілі іншыя
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG