Старшыня Магілёўскага аблвыканкаму Пётар Руднік незадаволены працай міліцыі. Паводле яго, на Магілёўшчыне няма ніводнага раёну, дзе хаця б палова насельніцтва давярала супрацоўнікам праваахоўных органаў. У рэгіёне, прызнае кіраўнік абласной вэртыкалі, склалася практыка, калі міліцыянтаў з кепскай рэпутацыяй не звальняюць, а пераводзяць на пасады ўчастковых.
Незадаволенасьць працай міліцыянтаў прагучала пасьля таго, як тыя адрапартавалі пра зьніжэньне на васямнаццаць працэнтаў колькасьці правапарушэньняў і злачынстваў у сельскай мясцовасьці.
“У нас няма ніводнага раёну ў Магілёўскай вобласьці, дзе б міліцыі цалкам давяралі. Хаця б палова насельніцтва. Пара пакончыць з практыкай, калі супрацоўнікі міліцыі, кепска зарэкамэндаваўшы сябе на іншых кірунках працы, накіроўваюцца на службу ў якасьці ўчастковых інспэктараў”, — цытуюць афіцыйныя крыніцы Пятра Рудніка.
Паводле ўсё тых жа афіцыйных крыніц, самы высокі працэнт даверу міліцыянтам выказваюць жыхары Бялыніцкага раёну — 48 працэнтаў. Самы нізкі ў Бабруйску — 26.
Крытыка на адрас міліцыі прагучала з боку чыноўніка пасьля некалькіх скандальных выпадкаў. 25 жніўня сёлета кіраўніку чэрыкаўскай міліцыі Аляксандру Райкову давялося выбачацца перад настаўніцай зь вёскі Рэчыца Людмілай Старавойтавай. Заслужаную настаўніцу летась 1 лістапада двое міліцыянтаў беспадстаўна арыштавалі проста ў школе, а потым яе і ейных дзяцей пратрымалі дваццаць гадзін у аддзеле.
“Цяпер я канчаткова зьняла ружовыя акуляры. Я ім абсалютна не давяраю й ня бачу ад іх карысьці ніякай. Я ім ужо казала, што яны на дзяржаўным забесьпячэньні знаходзяцца, нічога ня робяць, а ім яшчэ грошы за гэта плацяць”, — зазначае Людміла Старавойтава.
Публічных выбачэньняў настаўніца дамагалася доўга. Была яна на прыёме і ў старшыні аблвыканкаму Рудніка, скардзілася на міліцыянтаў у раённую і абласную пракуратуру, сустракалася й зь міністрам унутраных спраў Беларусі Анатолем Куляшовым.
Пасьля здарэньня са Старавойтавай сямёра супрацоўнікаў чэрыкаўскай міліцыі і раённай пракуратуры былі прыцягнутыя да дысцыплінарнай адказнасьці.
Аляксандру Райкову не ўпершыню даводзіцца выбачацца за сваіх падначаленых. Летась у кастрычніку ён прасіў прабачэньня ў маці дзевяцігадовага хлопчыка Алены Бальшаковай. У яе сына Яўгена Герасімава міліцыянты хацелі ўзяць адбіткі пальцаў. Спадарыні Бальшаковай тады не давялося хадзіць па інстанцыях у пошуках праўды. Пра выпадак зь яе сынам стала вядома грамадзтву дзякуючы праваабаронцам і журналістам. Гаворыць крычаўскі праваабаронца Сяргей Няроўны:
“Тое, што міліцыя вымушаная неяк рэагаваць, нават прасіць прабачэньня, мы лічым сваім посьпехам, бо перакананыя, што галоўнае, з чым лічыцца ўлада, — гэта шырокі грамадзкі рэзананс”.
Незадаволенасьць працай міліцыянтаў прагучала пасьля таго, як тыя адрапартавалі пра зьніжэньне на васямнаццаць працэнтаў колькасьці правапарушэньняў і злачынстваў у сельскай мясцовасьці.
“У нас няма ніводнага раёну ў Магілёўскай вобласьці, дзе б міліцыі цалкам давяралі. Хаця б палова насельніцтва. Пара пакончыць з практыкай, калі супрацоўнікі міліцыі, кепска зарэкамэндаваўшы сябе на іншых кірунках працы, накіроўваюцца на службу ў якасьці ўчастковых інспэктараў”, — цытуюць афіцыйныя крыніцы Пятра Рудніка.
Паводле ўсё тых жа афіцыйных крыніц, самы высокі працэнт даверу міліцыянтам выказваюць жыхары Бялыніцкага раёну — 48 працэнтаў. Самы нізкі ў Бабруйску — 26.
Заслужаную настаўніцу летась 1 лістапада двое міліцыянтаў беспадстаўна арыштавалі проста ў школе, а потым яе і ейных дзяцей пратрымалі дваццаць гадзін у аддзеле.
“Цяпер я канчаткова зьняла ружовыя акуляры. Я ім абсалютна не давяраю й ня бачу ад іх карысьці ніякай. Я ім ужо казала, што яны на дзяржаўным забесьпячэньні знаходзяцца, нічога ня робяць, а ім яшчэ грошы за гэта плацяць”, — зазначае Людміла Старавойтава.
Публічных выбачэньняў настаўніца дамагалася доўга. Была яна на прыёме і ў старшыні аблвыканкаму Рудніка, скардзілася на міліцыянтаў у раённую і абласную пракуратуру, сустракалася й зь міністрам унутраных спраў Беларусі Анатолем Куляшовым.
Пасьля здарэньня са Старавойтавай сямёра супрацоўнікаў чэрыкаўскай міліцыі і раённай пракуратуры былі прыцягнутыя да дысцыплінарнай адказнасьці.
Аляксандру Райкову не ўпершыню даводзіцца выбачацца за сваіх падначаленых. Летась у кастрычніку ён прасіў прабачэньня ў маці дзевяцігадовага хлопчыка Алены Бальшаковай. У яе сына Яўгена Герасімава міліцыянты хацелі ўзяць адбіткі пальцаў. Спадарыні Бальшаковай тады не давялося хадзіць па інстанцыях у пошуках праўды. Пра выпадак зь яе сынам стала вядома грамадзтву дзякуючы праваабаронцам і журналістам. Гаворыць крычаўскі праваабаронца Сяргей Няроўны:
“Тое, што міліцыя вымушаная неяк рэагаваць, нават прасіць прабачэньня, мы лічым сваім посьпехам, бо перакананыя, што галоўнае, з чым лічыцца ўлада, — гэта шырокі грамадзкі рэзананс”.