Лінкі ўнівэрсальнага доступу

“Кантакты паміж Менскам і Масквой будуць зьведзены да чыста фармальных стасункаў”


Андрэй Суздальцаў
Андрэй Суздальцаў

Прэзыдэнт Расеі Дзьмітрый Мядзьведзеў назваў недапушчальнымі з пункту гледжаньня дыпляматычнай этыкі выказваньні на адрас прадстаўнікоў расейскага кіраўніцтва, якія дазволіў сабе кіраўнік адной з краінаў — бліжэйшых партнэраў Расеі.

Ён падкрэсьліў, што ў Расеі “ніколі не дазвалялі і ня будуць дазваляць сабе асабістых характарыстык адносна кіраўнікоў іншых краін. Хаця мы маглі б сказаць што-небудь адносна эфэктыўнасьці эканамічных захадаў, якія імі робяцца, чаму яны зьвяртаюцца да нас па дапамогу, падтрымку”.

Камэнтуючы сытуацыю, маскоўскі палітоляг Андрэй Суздальцаў адзначыў:

“Там такая сытуацыя атрымалася, што 29 чысла кіраўнік Беларусі назваў Кудрына “казлом”. Вы разумееце, які стан расейскага істэблішмэнту?!

Такі ўзровень стасункаў, такія абразы — гэта ня тое што не прынята. Гэта ж войны пачыналіся з-за меншых нагодаў. Гэта неспасьціжна. Кантакты паміж Менскам і Масквой будуць зьведзены да чыста фармальных стасункаў. Людзі, якія ўваходзяць ва ўсясьветны істэблішмэнт, прыяжджаюць у невялікую дзяржаву, якая жыве за кошт крэдытаў і зьнешняй падтрымкі, і там цябе называюць “казламі”. Проста Лукашэнка пацьвердзіў сваю поўную недамоваздольнасьць. Ну як даваць грошы хуліганам, якія ня ўмеюць сябе проста паводзіць?!”
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG