Міністар фінансаў Андрэй Харкавец не сумняецца, што Беларусь атрымае расейскі крэдыт.
Пра гэта ён сказаў сёньня журналістам пасьля заканчэньня разгляду Палатай прадстаўнікоў праекту бюджэту на 2009 год. Ён сказаў:
“Беларусь і Расея стварылі саюзную дзяржаву. І зразумела, што расейцам неабыякава, як складаецца сытуацыя ў нашай краіне”.
Міністар Андрэй Харкавец падкрэсьліў, што перамовы пра крэдыт вядуцца ўвесь час і працягнуцца на наступным тыдні. Паводле міністра, у гэтым пытаньні ёсьць тры аспэкты: у які тэрмін дадуць крэдыт, колькі грошай дасьць Расея і на якіх умовах.
