Расея разьлічвае, што Беларусь прызнае ПА і Абхазію
“Мы, шчыра кажучы, на гэта разьлічваем, як на самага блізкага партнэра”, - заявіў амбасадар Расеі Аляксандар Сурыкаў.
Э.Лукас: "Я хацеў бы бачыць ціск, які б стрымліваў Расею"
Расейска-грузінскі канфлікт выліўся ў новую эру канфрантацыі Ўсходу і Захаду. Ці сапраўды пачалася новая халодная вайна? Над гэтым пытаньнем разважае ў інтэрвію Радыё Свабода вядомы брытанскі палітоляг Эдвард Лукас – аўтар кнігі “Новая халодная вайна: Як Крэмль пагражае Расеі, і Захаду”.
Т.Думбадзэ: “Для мяне як грузіна гэта крыўдна”
Журналіст тэлекампаніі ОНТ Тэнгіз Думбадзэ, камэнтуючы сытуацыю вакол прызнаньня Расеяй незалежнасьці Паўднёвай Асэтыі і Абхазіі, адзначыў:
Эўразьвяз асудзіў Расею
Рашэньне Расеі “супярэчыць прынцыпам незалежнасьці Грузіі, яе сувэрэнітэту і тэрытарыяльнага адзінства, прызнанага Хартыяй ААН, заключным актам Канфэрэнцыі ў справе бясьпекі і супрацоўніцтва ў Эўропе і адпаведным рэзалюцыям Рады Бясьпекі”, — гаворыцца ў заяве.
А.Цоцхалашвілі: "Гэта захоп тэрыторыі Грузіі"
Сябра грузінскай грамады “Мамулі” ў Беларусі, грамадзянін Беларусі Анісім Цоцхалашвілі заявіў, што адмоўна ставіцца да прызнаньня Расеяй незалежнасьці Паўднёвай Асэтыі і Абхазіі.
Мілібэнд у Кіеве паспрабуе стварыць антырасейскую кааліцыю
У сваім камэнтары “Другая халодная вайна” вядучы аглядальнік нямецкага тэлеканалу N-TV Манфрэд Блескін адзначыў, што — прынамсі пасьля ўказу прэзыдэнта Мядзьведзева аб прызнаньні сувэрэнітэту Абхазіі і Паўднёвай Асэтыі — можна казаць пра канец “стратэгічнага партнэрства” паміж Захадам і Расеяй.
“Гэта вельмі цяжкае рашэньне для афіцыйнага Менску”
Кіраўнік аналітычнага цэнтру Мізэса Яраслаў Раманчук — пра магчымыя дзеяньні беларускіх уладаў у праблеме прызнаньня Паўднёвай Асэтыі і Абхазіі.
Генэральны сакратар ААН Пан Гі Мун асьцерагаецца, што цяперашняе разьвіцьцё падзей вакол Грузіі можа выклікаць далёкасяжныя наступствы для бясьпекі і стабільнасьці на Каўказе, перадае Інтэрфакс.
Р.Каўтарадзэ : Беларусь павінна заняць нэўтральную пазыцыю
Кіраўнік грузінскай грамады “Мамулі” ў Беларусі Раланд Каўтарадзэ спадзяецца, што афіцыйны Менск захавае нэўтральную пазыцыю адносна прызнаньня Расеяй незалежнасьці Паўднёвай Асэтыі і Абхазіі.
С.Калякін: “І наша краіна набыла незалежнасьць досыць дзіўным чынам”
С.Скрабец: “Лукашэнка маўчыць, бо набівае цану”
А.Лукашэнка не рэагуе
Кіраўнік Беларусі Аляксандар Лукашэнка пакуль не камэнтаваў сытуацыю вакол прызнаньня Расеяй незалежнасьці Абхазіі і Паўднёвай Асэтыі. Ніякіх указаў А.Лукашэнкі аб прызнаньні незалежнасьці Абхазіі і Паўднёвай Асэтыі не паступала, паведаміў кіраўнік прэс-службы прэзыдэнта Павал Лёгкі.
МЗС не камэнтуе
У міністэрстве замежных справаў Беларусі паведамілі, што ня маюць ніякіх камэнтароў адносна сытуацыі вакол Абхазіі і Паўднёвай Асэтыі. Факт прызнаньня Расеяй незалежнасьці Абхазіі і Паўднёвай Асэтыі таксама не камэнтуюць дзяржаўныя мэдыі.
***
«Лідэры непрызнаных рэспублік заяўлялі аб сваім жаданьні далучыцца да «саюзнай дзяржавы», і «саюзная дзяржава» гатовая прыняць да ўвагі гэтыя пажаданьні», – заявіў памочнік дзяржсакратара так званай «саюзнай дзяржавы» Расеі і Беларусі Іван Макушок.
Амбасадар Расеі ў Беларусі Аляксандар Сурыкаў напярэдадні таксама дапусьціў, што Менск можа прызнаць незалежнасьць Абхазіі і Паўднёвай Асэтыі, але "Расея павінна стаць першай".
Калі вайна ў Паўднёвай Асэтыі толькі пачалася, А.Сурыкаў абураўся, што афіцыйны Менскі не падтымлівае расейскае ўварваньне на тэрыторыю Грузіі.
“Нам вельмі незразумела, што дзяржаўныя ўлады, органы Беларусі захоўваюць такое сьціпла маўклівае маўчаньне”, - заявіў амбасадар Расеі 12 жніўня.
Ужо 19 жніўня на перамовах з прэзыдэнтам Расеі Дзьмітрыем Мядзьведзевым Аляксандар Лукашэнка пракамэнтаваў уварваньне Расеі на тэрыторыю Грузіі: “Усё было зроблена выдатна, вельмі спакойна, мудра і прыгожа».
А ў часе сустрэчы А.Лукашэнкі зь кіраўнікамі Паўднёвай Асэтыі і Абхазіі Сяргем Багапшам і Эдуардам Какойтам выказаў ім падтрымку.
Напярэдадні старшыня АГП Анатоль Лябедзька выказаў меркаваньне, што Лукашэнка ў гандлі з Расеяй можа прызначыць цану прызнаньня Беларусьсю незалежнасьці Абхазіі і Паўднёвай Асэтыі.
С.Калякін: “І наша краіна набыла незалежнасьць досыць дзіўным чынам”
Лідэр ПКБ Сяргей Калякін – адзіны зь лідэраў АДС, хто падтрымаў абвяшчэньне незалежнасьці Абхазіі і Паўднёвай Асэтыі. У інтэрвію газэце “Наша Ніва” Калякін заявіў, што “і наша краіна набыла незалежнасьці таксама досыць дзіўным чынам...”
Прэзыдэнт Расеі Дзьмітрый Мядзьведзеў падпісаў указы аб прызнаньні незалежнасьці Паўднёвай Асэтыі і Абхазіі.У тэлезвароце Дзьмітрый Мядзьведзеў заклікаў іншыя дзяржавы узяць прыклад з Расеі.
Беларусь на фоне новай “халоднай вайны”
Ці можна гаварыць пра пачатак новай халоднай вайны паміж Масквой і Захадам пасьля апошніх рэзкіх заяваў і крокаў расейскага кіраўніцтва? Ці вымушаная будзе Беларусь усьлед за Расеяй прызнаць Паўднёвую Асэтыю і Абхазію?
