Спадар Макаеў просіць зьмяніць меру стрыманьня А.Кіму з заключэньня пад варту на заклад і гатовы ўнесьці ў якасьці закладу каля 500 базавых велічыняў.
Аналягічную заяву падала і маці Андрэя Кіма.
Нагадаем, сябра незарэгістраванай моладзевай арганізацыі “Ініцыятыва” Андрэя Кіма затрымалі 21 студзеня пад час разгону акцыі прадпрымальнікаў. Яго арыштавалі за ўдзел у несанкцыянаванай акцыі, а потым прад’явілі абвінавачаньне ў крымінальнай справе паводле артыкулу (пагроза альбо гвалтоўныя дзеяньні ў дачыненьні да міліцыянта).