Расклад праграмаў
Экспэртыза Свабоды
Чаму дадзеныя сацыёлягаў наконт удзелу ў парлямэнцкіх выбарах не супадаюць з дадзенымі незалежнага назіраньня? Ці працуе ў Беларусі "папраўка на страх" і як палітыкі мусяць улічваць вынікі апытаньняў? Чаму настолькі не супадаюць лічбы рэйтынгу Аляксандра Лукашэнкі і даверу да вынікаў парлямэнцкіх выбараў? На гэтыя ды іншыя пытаньні адказваюць сустаршыня БХД Віталь Рымашэўскі і палітычны аглядальнік газэты "Белорусы і рынок" Паўлюк Быкоўскі.
Вольная студыя
Увосень 2002 году выйшаў у сьвет першы нумар незалежнага часопісу "Дзеяслоў", які вось ужо дзесяць гадоў зьяўляецца творчай пляцоўкай для тых літаратараў, якія апынуліся ў чорным сьпісе беларускай улады. Якімі апублікаванымі творамі "Дзеяслоў" ганарыцца, чым жыве сёньня і якія прынцыпы суіснаваньня з уладаў спавядае – пра ўсё гэта ў гутарцы з галоўным рэдактарам часопісу Барысам Пятровічам.
Падарожжы Свабоды
Пасьля вандроўкі дагэтуль перад вачыма шчымлівая карціна: сярод пактучастых берагоў віруе срэбразвонны шырока тут апеты паэтамі бацька-Нёман. На супрацьлеглым беразе, колькі вокам кінуць - сасновы бор з грыбамі ды ягадамі. А побач - шырокія хлебныя палеткі. Але цяпер ні ў воднай хаце, што найчасьцей за 3-5 мэтраў адна ад адной не раве скаціна, не завіхаюцца па падворках жыхары. Падарожжа ў Збляны на Лідчыне.
