“Пастанова судзьдзі Лешчанкі займае дзьве старонкі тэксту. Ён выкрыў шматлікія памылкі пратаколу, які 10 лютага склаў маёр пінскай міліцыі Аляксандар Сыраежка”, — паведаміў “Свабодзе” Аляксандар Васільеў.
Грамадзкі актывіст А.Васільеў быў затрыманы на калгасным рынку ў Пінску 10 лютага. Тады маёр Сыраежка абвінаваціў яго ў арганізацыі акцыі пратэсту прадпрымальнікаў і непадпарадкаваньні міліцыі. Пасьля затрыманьня Аляксандар Васільеў быў дастаўлены ў Пінскі ГАУС і амаль два дні ўтрымліваўся ў няволі.
Суд над Аляксандрам Васільевым адбыўся 11 лютага. З-за недахопу доказаў віны паседжаньне было перанесена на сёньня.
Аляксандру Васільеву 35 гадоў. Ён — сябра кампаніі “За свабоднае разьвіцьцё прадпрымальніцтва”. За арганізацыю акцыяў пратэсту і ўдзел у іх арыштоўваўся раней на 5, 7 і 15 сутак.