Зьбіцьцё былога кандыдата на прэзыдэнта Ўладзімера Някляева 19 сьнежня "выдзелена ў асобую вытворчасьць і расьсьледуецца". Зьміцер Дашкевіч патрабуе распачаць справу супраць сьведак за паклёп. На працэсе над Фёдарам Мірзаянавым зьбіраюцца прысутнічаць назіральнікі з Расеі.
Былы кандыдат на прэзыдэнта Ўладзімер Някляеў зьвярнуўся ў менскі гарадзкі суд з просьбай спыніць супраць яго крымінальны перасьлед. Някляеў у заяве напісаў, што, паводле сьледзтва, ён удзельнічаў у прэзыдэнцкіх выбарах "з мэтай ...увядзеньня з боку дзяржаў Эўрапейскага саюзу, ЗША і Расейскай Фэдэрацыі эканамічных і палітычных санкцый". Гэта спадар Някляеў назваў "прыдумкай" сьледзтва.
Паводле Някляева ён удзельнічаў у выбарах, каб стаць прэзыдэнтам, "што не зьяўляецца злачынствам". Аднак выбары, як мяркуе палітык, былі сфальшаваныя і пра гэта ён зьбіраўся заявіць на Кастрычніцкай плошчы 19 сьнежня.
Някляеў аддаў пашану тысячам людзей, якія адгукнуліся на заклік кандыдатаў на прэзыдэнта прыйсьці на мітынг пратэсту. "Усе мы разумеем: тыя, хто 19 сьнежня прыйшлі на плошчу, каб выявіць сваю нязгоду з несправядлівасьцю і несвабодай, ніякія не злачынцы, а лепшыя сыны і дочкі Беларусі, якія выявілі сваю грамадзянскую мужнасьць. Нашчадкі яшчэ скажуць ім дзякуй за гэта", - мяркуе Уладзімер Някляеў.
Былы кандыдат на прэзыдэнта нагадаў у заяве ў Менгарсуд, што ўвечары 19 сьнежня на вуліцы Калектарнай на яго напалі невядомыя ў форме і зьбілі, але гэтая справа дагэтуль не расьсьледаваная. А ўвогуле, ці вядзецца сьледзтва? Адвакат Някляева Тамара Сідарэнка распавяла "Свабодзе":
"Нядаўна мы атрымалі адказ на наша хадайніцтва, што справа пра зьбіцьцё Някляева вылучаная ў асобную вытворчасьць і яшчэ расьсьледуецца. Дзіўна, канешне, што гэтак доўга. Але вось такі нам далі адказ".
Справу пра зьбіцьцё Някляева, паводле зьвестак Тамары Сідарэнкі, расьсьледуе міліцыя Маскоўскага раёну Менска.
Палітвязень Зьміцер Дашкевіч зьвярнуўся ў Генэральную пракуратуру з патрабаваньнем прыцягнуць сьведкаў з боку абвінавачаньня да адказнасьці за хлусьлівыя паказаньні.
Дашкевіч зьвяртае ўвагу пракуратуры, што паказаньні сьведкаў Малышава і Савіцкага былі хлусьлівыя й не адпавядалі рэчаіснасьці. Дарэчы, ў судзе сьведкі давалі паказаньні з-за сьценкі, іх твараў удзельнікі працэсу не бачылі.
На прэцэсе над Зьмітром Дашкевічам і Эдуарам Лобавым, які адбыўся ў Маскоўскім судзе Менска месяц таму, сьведкамі выступілі два пацярпелых, якіх нібыта зьбілі Дашкевіч і Лобаў. Інцыдэнт здарыўся 18 сьнежня, за дзень да выбараў, на вуліцы Янкі Брыля.
«Усе добра ведаюць, што я і Лобаў даўно займаемся палітычнай дзейнасьцю, і нападаць на кагосьці за дзень да выбараў, нам было б вельмі нявыгадна», — заяўляе Зьміцер Дашкевіч.
Раней маладафронтаўцы неаднаразова казалі, што крымінальная справа супраць іх справакаваная ўладамі.
Паводле намесьніцы старшыні "Маладога фронту" Насты Палажанкі, Зьміцер Дашкевіч знаходзіцца ў турме на вуліцы Валадарскага у вельмі дрэнных умовах: у камэры, разьлічанай на 20 чалавек, знаходзіцца болей за 40 вязьняў. Але Зьміцер не скардзіўся.
"Ён не апускае рукі і спрабуе праз скаргі паўплываць на той прысуд, якія яму далі. Сустракаецца з адвакатам, рыхтуецца да касацыі".
Паводле суду Зьміцер Дашкевіч атрымаў 2 гады калёніі, Эдуард Лобаў – 4. Прысуд яшчэ не ўступіў у сілу, паколькі Дашкевіч і Лобаў абскардзілі яго ў Менгарсуд і чакаюць касацыйнага разгляду справы.
Удзельніка Плошчы Фёдара Мірзаянава будуць судзіць 27 красавіка ў Партызанскім судзе разам з былым кандыдатам на прэзыдэнта Андрэем Саньнікавым ды яшчэ трыма абвінавачанымі: Ільлёй Васілевічам, Алегам Гнедчыкам і Ўладзімерам Яроменкам.
25 красавіка з амбасады Расеі ў Беларусі стала вядома, што на працэсе зьбіраюцца прысутнічаць назіральнікі з Расеі. Пра гэта прасіў расейскім дыпляматаў бацька абвінавачанага, грамадзянін Расеі Рэм Мірзаянаў.
Былы кандыдат на прэзыдэнта Ўладзімер Някляеў зьвярнуўся ў менскі гарадзкі суд з просьбай спыніць супраць яго крымінальны перасьлед. Някляеў у заяве напісаў, што, паводле сьледзтва, ён удзельнічаў у прэзыдэнцкіх выбарах "з мэтай ...увядзеньня з боку дзяржаў Эўрапейскага саюзу, ЗША і Расейскай Фэдэрацыі эканамічных і палітычных санкцый". Гэта спадар Някляеў назваў "прыдумкай" сьледзтва.
Паводле Някляева ён удзельнічаў у выбарах, каб стаць прэзыдэнтам, "што не зьяўляецца злачынствам". Аднак выбары, як мяркуе палітык, былі сфальшаваныя і пра гэта ён зьбіраўся заявіць на Кастрычніцкай плошчы 19 сьнежня.
Някляеў аддаў пашану тысячам людзей, якія адгукнуліся на заклік кандыдатаў на прэзыдэнта прыйсьці на мітынг пратэсту. "Усе мы разумеем: тыя, хто 19 сьнежня прыйшлі на плошчу, каб выявіць сваю нязгоду з несправядлівасьцю і несвабодай, ніякія не злачынцы, а лепшыя сыны і дочкі Беларусі, якія выявілі сваю грамадзянскую мужнасьць. Нашчадкі яшчэ скажуць ім дзякуй за гэта", - мяркуе Уладзімер Някляеў.
Былы кандыдат на прэзыдэнта нагадаў у заяве ў Менгарсуд, што ўвечары 19 сьнежня на вуліцы Калектарнай на яго напалі невядомыя ў форме і зьбілі, але гэтая справа дагэтуль не расьсьледаваная. А ўвогуле, ці вядзецца сьледзтва? Адвакат Някляева Тамара Сідарэнка распавяла "Свабодзе":
"Нядаўна мы атрымалі адказ на наша хадайніцтва, што справа пра зьбіцьцё Някляева вылучаная ў асобную вытворчасьць і яшчэ расьсьледуецца. Дзіўна, канешне, што гэтак доўга. Але вось такі нам далі адказ".
Справу пра зьбіцьцё Някляева, паводле зьвестак Тамары Сідарэнкі, расьсьледуе міліцыя Маскоўскага раёну Менска.
Палітвязень Зьміцер Дашкевіч зьвярнуўся ў Генэральную пракуратуру з патрабаваньнем прыцягнуць сьведкаў з боку абвінавачаньня да адказнасьці за хлусьлівыя паказаньні.
Дашкевіч зьвяртае ўвагу пракуратуры, што паказаньні сьведкаў Малышава і Савіцкага былі хлусьлівыя й не адпавядалі рэчаіснасьці. Дарэчы, ў судзе сьведкі давалі паказаньні з-за сьценкі, іх твараў удзельнікі працэсу не бачылі.
На прэцэсе над Зьмітром Дашкевічам і Эдуарам Лобавым, які адбыўся ў Маскоўскім судзе Менска месяц таму, сьведкамі выступілі два пацярпелых, якіх нібыта зьбілі Дашкевіч і Лобаў. Інцыдэнт здарыўся 18 сьнежня, за дзень да выбараў, на вуліцы Янкі Брыля.
«Усе добра ведаюць, што я і Лобаў даўно займаемся палітычнай дзейнасьцю, і нападаць на кагосьці за дзень да выбараў, нам было б вельмі нявыгадна», — заяўляе Зьміцер Дашкевіч.
Раней маладафронтаўцы неаднаразова казалі, што крымінальная справа супраць іх справакаваная ўладамі.
Паводле намесьніцы старшыні "Маладога фронту" Насты Палажанкі, Зьміцер Дашкевіч знаходзіцца ў турме на вуліцы Валадарскага у вельмі дрэнных умовах: у камэры, разьлічанай на 20 чалавек, знаходзіцца болей за 40 вязьняў. Але Зьміцер не скардзіўся.
"Ён не апускае рукі і спрабуе праз скаргі паўплываць на той прысуд, якія яму далі. Сустракаецца з адвакатам, рыхтуецца да касацыі".
Паводле суду Зьміцер Дашкевіч атрымаў 2 гады калёніі, Эдуард Лобаў – 4. Прысуд яшчэ не ўступіў у сілу, паколькі Дашкевіч і Лобаў абскардзілі яго ў Менгарсуд і чакаюць касацыйнага разгляду справы.
Удзельніка Плошчы Фёдара Мірзаянава будуць судзіць 27 красавіка ў Партызанскім судзе разам з былым кандыдатам на прэзыдэнта Андрэем Саньнікавым ды яшчэ трыма абвінавачанымі: Ільлёй Васілевічам, Алегам Гнедчыкам і Ўладзімерам Яроменкам.
25 красавіка з амбасады Расеі ў Беларусі стала вядома, што на працэсе зьбіраюцца прысутнічаць назіральнікі з Расеі. Пра гэта прасіў расейскім дыпляматаў бацька абвінавачанага, грамадзянін Расеі Рэм Мірзаянаў.