У бліжэйшыя дні магчымая сустрэча кіраўніка Беларусі Аляксандра Лукашэнкі з прэзыдэнтам Расеі Ўладзімірам Пуціным.
Пра гэта паведаміў амбасадар Расеі ў Беларусі Аляксандар Сурыкаў. У адміністрацыі А.Лукашэнкі пацьвердзілі магчымасьць такой сустрэчы, паведамляе агенцтва БЕЛТА.
Летась 13-14 сьнежня Ўладзімір Пуцін сустракаўся з Аляксандрам Лукашэнкам у Менску. 30 студзеня ў Менску адбылося супольнае паседжаньне калегіяў міністэрстваў замежных справаў Расеі і Беларусі, на якім зацьвердзілі супольную праграму дзеяньняў на міжнароднай арэне ў 2008—2009 гг.