Міхал Стэльмак, Менская вобласць У Салігорску сёньня было сарвана правядзеньне канфэрэнцыі Незалежнага прафсаюзу гарнякоў. Паводле зьвестак кіраўніцтва прафсаюзу, адміністрацыя “Беларуськалію” адмовілася адпусьціць на канфэрэнцыю яе дэлегатаў.
На канфэрэнцыі плянавалася абмеркаваць рознагалосьсі паміж прафсаюзам і адміністрацыяй вытворчага аб’яднаньня, якія ўзьніклі падчас перамоваў у справе калектыўнай дамовы.
Пасьля 19 тураў перамоваў з наймальнікам дзесяць пунктаў праекту калектыўнай дамовы ўвайшлі ў пратакол рознагалосьсяў. І ўсе гэтыя пункты, як лічыць прафсаюз, зьяўляюцца важнымі для яго сяброў. Таму прафсаюзная канфэрэнцыя меркавала ўзьняць пытаньне аб пачатку працоўнай калектыўнай спрэчкі рабочых з адміністрацыяй “Беларуськалію”.
Пасьля 19 тураў перамоваў з наймальнікам дзесяць пунктаў праекту калектыўнай дамовы ўвайшлі ў пратакол рознагалосьсяў. І ўсе гэтыя пункты, як лічыць прафсаюз, зьяўляюцца важнымі для яго сяброў. Таму прафсаюзная канфэрэнцыя меркавала ўзьняць пытаньне аб пачатку працоўнай калектыўнай спрэчкі рабочых з адміністрацыяй “Беларуськалію”.