Падрыхтаваў Зьміцер Падбярэскі “Звязда”, 1935 год:
“24 ліпеня пасля поўдня на Палессі прайшоў такі моцны лівень, што на вуліцах Мазыра стварыліся цэлыя рэкі. Узровень вады дасягнуў 1,5 метра. Сцякаючы з гор і равоў, вада велізарнай лавай рухалася па нахілу ўніз у раку Прыпяць з хуткасцю трох з паловай метраў у секунду. На сваім шляху яна выбівала ў падвальных і поўпадвальных памяшканнях вокны і дзверы, ламала брамы і парканы, затапляючы двары, склады, жылыя кватэры. Чалавечых афяр няма”.
“ЛіМ”, 1965 год:
“У Маскве на Выстаўцы дасягненняў народнай гаспадаркі пабываў вядомы ў рэспубліцы Тураўскі народны хор і яго танцавальная група з Жыткавіцкага раёна… Незабыўным быў канцэрт у Калоннай зале Дома саюзаў. У той памятны дзень адбываўся мітынг савецка-в’етнамскай салідарнасці. У зале прысутнічала многа в’етнамцаў, прадстаўнікоў працоўных сталіцы. І калі тураўцы праспявалі частушкі на словы кіраўніка хору Сяргея Бялко “Заяўляем, янкі, вам/Вы не лезьце ва В’етнам./Бо ў нас сіла ёсць такая —/Ўсім магіла будзе там!” і перакладчык тут жа пераклаў іх сэнс, бурай воплескаў сустрэлі гэты куплет в’етнамскія таварышы”.
“Свабода”, 1995 год:
“У Горадні перарабляюць вялізны герб БССР, які быў зьняты год таму з будынку аблвыканкаму. Гэтую адказную працу даручылі вядомаму скульптару А.Салятыцкаму. Маэстра з памочнікам ужо зьліквідаваў надпісы “Пралетарыі ўсіх краін…” (на дзьвюх мовах) і “БССР”. Наступная задача: вынішчыць серп з молатам. Ён перакананы, што замест рэанімаванага БССРаўскага гербу напачатку наступнага года над аблвыканкамам павесяць выяву “двухгаловага арла”. Спадар Салятыцкі нават пакляўся карэспандэнту “Свабоды”, што “паставіць” скрынку каньяку, калі ягоны прагноз не апраўдаецца”.
“ЛіМ”, 1965 год:
“У Маскве на Выстаўцы дасягненняў народнай гаспадаркі пабываў вядомы ў рэспубліцы Тураўскі народны хор і яго танцавальная група з Жыткавіцкага раёна… Незабыўным быў канцэрт у Калоннай зале Дома саюзаў. У той памятны дзень адбываўся мітынг савецка-в’етнамскай салідарнасці. У зале прысутнічала многа в’етнамцаў, прадстаўнікоў працоўных сталіцы. І калі тураўцы праспявалі частушкі на словы кіраўніка хору Сяргея Бялко “Заяўляем, янкі, вам/Вы не лезьце ва В’етнам./Бо ў нас сіла ёсць такая —/Ўсім магіла будзе там!” і перакладчык тут жа пераклаў іх сэнс, бурай воплескаў сустрэлі гэты куплет в’етнамскія таварышы”.
“Свабода”, 1995 год:
“У Горадні перарабляюць вялізны герб БССР, які быў зьняты год таму з будынку аблвыканкаму. Гэтую адказную працу даручылі вядомаму скульптару А.Салятыцкаму. Маэстра з памочнікам ужо зьліквідаваў надпісы “Пралетарыі ўсіх краін…” (на дзьвюх мовах) і “БССР”. Наступная задача: вынішчыць серп з молатам. Ён перакананы, што замест рэанімаванага БССРаўскага гербу напачатку наступнага года над аблвыканкамам павесяць выяву “двухгаловага арла”. Спадар Салятыцкі нават пакляўся карэспандэнту “Свабоды”, што “паставіць” скрынку каньяку, калі ягоны прагноз не апраўдаецца”.