Аляксей Дзікавіцкі, Варшава Прэсавы сакратар амбасады Беларусі ў Польшчы Усевалад Глушкоў заявіў “Белапан”, што Польшча высылае ўжо другога беларускага дыплямата. Паводле Глушкова, напачатку мая польскі бок паведаміў беларускай дыпмісіі пра непажаданасьць знаходжаньня ў Польшчы дарадцы беларускага пасольства.
Польскія ўлады патлумачылі высылку дыплямата ўмяшаньнем беларускіх уладаў у дзейнасьць "Саюза палякаў на Беларусі". У якасьці кроку ў адказ беларускае МЗС паведаміла польскаму пасольству пра тое, што дарадца Марэк Буцько павінен на працягу месяца пакінуць Беларусь.
Паводле словаў Глушкова, беларускія ўлады прапанавалі Варшаве "вырашыць пытаньне ў закрытым рэжыме". Аднак 18 мая намесьнік міністра замежных спраў Польшчы Анджэй Залуцкі падчас сустрэчы з паслом Беларусі ў Польшчы Паўлам Латушкам аб''явіў яму, што польскі бок прыняў рашэньне аб высылцы дарадцы беларускай дыпмісіі.
"Ужо другі наш дарадца ў месячны тэрмін павінен пакінуць Польшчу", – зазначыў Глушкоў. Варшава пакуль ніяк не камэнтуе заявы беларускага боку аб тым, што высылка Марка Буцькі былы адказам на ранейшыя захады польскага МЗС.
Паводле словаў Глушкова, беларускія ўлады прапанавалі Варшаве "вырашыць пытаньне ў закрытым рэжыме". Аднак 18 мая намесьнік міністра замежных спраў Польшчы Анджэй Залуцкі падчас сустрэчы з паслом Беларусі ў Польшчы Паўлам Латушкам аб''явіў яму, што польскі бок прыняў рашэньне аб высылцы дарадцы беларускай дыпмісіі.
"Ужо другі наш дарадца ў месячны тэрмін павінен пакінуць Польшчу", – зазначыў Глушкоў. Варшава пакуль ніяк не камэнтуе заявы беларускага боку аб тым, што высылка Марка Буцькі былы адказам на ранейшыя захады польскага МЗС.