Міхал Стэльмак, Менская вобласьць Рэдактары незалежных газэтаў Барысава заявілі пра тое, што мясцовыя ўлады забаранілі прадпрыемствам гораду выпісваць іх выданьні. Ці сапраўды гэта так?
Недзяржаўныя газэты “Барысаўскія навіны” і “Кур’ер з Барысава” — найбольш папулярныя выданьні ў рэгіёне. У кожнай зь іх больш за 10 тысяч падпісчыкаў. Угазэты “Адзінства”, заснавальнікам якой зьяўляецца Барысаўскі гарвыканкам, наклад значна меншы. Паводле рэдактара “Барысаўскіх навінаў” Анатоля Букаса, такая сытуацыя не задавальняе барысаўскіх чыноўнікаў:
(Букас: ) “Два гады таму наш штотыднёвік забаранілі прадаваць у крамах гарадзкога харчгандлю. З той прычыны, што на яго старонках друкуюцца палітычныя артыкулы. Таму кіраўніцтва гораду палохае сваіх чыноўнікаў, што калі хто-небудзь паспрабуе выпісаць “Барысаўскія навіны”, то хай крыўдуе на сябе самога. З гэтай нагоды ведамасная падпіска на другі квартал гэтага году істотна скарацілася”, — паведаміў спадар Букас, рэдактар “Барысаўскіх навінаў”.
Ці мае мясцовая вэртыкаль дачыненьне да абмежаваньня ведамаснай падпіскі на недзяржаўны друк? З такім пытаньнем я зьвярнуўся да кіраўніка ідэалягічнага аддзелу Барысаўскага гарвыканкаму Аляксандра Міронава.
(Міронаў: ) “Асабіста я такога распараджэньня не аддаваў. За астатніх ня ведаю”.
Барысаўскі крышталёвы завод — адно з найбольш вядомых прадпрыемстваў гораду. Тут даўно практыкуецца ведамасная падпіска для калектыву. Ці маюць яго прадстаўнікі магчымасць чытаць “Барысаўскія навіны” і “Кур’ер з Барысава”? Вось што зазначыла намесьніца дырэктара заводу ў пытаньнях ідэалёгіі Тацяна Лягоціна:
(Лягоціна: ) “Не, мы ня выпісваем. Ні “Барысаўскага кур’еру”, ні “Барысаўскіх навінаў”.
(Карэспандэнт: ) “Чаму?”
(Лягоціна: ) “Нам жа заяўку дае выканкам. І мы цьвёрда выконваем квоту выканкаму. У нас шмат газэтаў выпісана. Усе цэнтральныя. І “Мінская праўда”, і “Советская Белоруссия”.
Паводле рэдактара “Кур’еру з Барысава” Людмілы Атчанашанкі, падобным чынам ставяцца да незалежных выданьняў і на іншых прадпрыемствах, арганізацыях ды ўстановах.
(Атчанашанка: ) “Мяркуючы па тэлефанаваньнях нашых чытачоў, сапраўды кіраўнікі нашых барысаўскіх прадпрыемстваў атрымалі прадпісаньне ад выканкаму ўзяць пад кантроль правядзеньне ведамаснай падпіскі. Гэтае прадпісаньне тычыцца ня толькі дзяржаўных прадпрыемстваў, але і прыватных фірмаў”.
(Букас: ) “Два гады таму наш штотыднёвік забаранілі прадаваць у крамах гарадзкога харчгандлю. З той прычыны, што на яго старонках друкуюцца палітычныя артыкулы. Таму кіраўніцтва гораду палохае сваіх чыноўнікаў, што калі хто-небудзь паспрабуе выпісаць “Барысаўскія навіны”, то хай крыўдуе на сябе самога. З гэтай нагоды ведамасная падпіска на другі квартал гэтага году істотна скарацілася”, — паведаміў спадар Букас, рэдактар “Барысаўскіх навінаў”.
Ці мае мясцовая вэртыкаль дачыненьне да абмежаваньня ведамаснай падпіскі на недзяржаўны друк? З такім пытаньнем я зьвярнуўся да кіраўніка ідэалягічнага аддзелу Барысаўскага гарвыканкаму Аляксандра Міронава.
(Міронаў: ) “Асабіста я такога распараджэньня не аддаваў. За астатніх ня ведаю”.
Барысаўскі крышталёвы завод — адно з найбольш вядомых прадпрыемстваў гораду. Тут даўно практыкуецца ведамасная падпіска для калектыву. Ці маюць яго прадстаўнікі магчымасць чытаць “Барысаўскія навіны” і “Кур’ер з Барысава”? Вось што зазначыла намесьніца дырэктара заводу ў пытаньнях ідэалёгіі Тацяна Лягоціна:
(Лягоціна: ) “Не, мы ня выпісваем. Ні “Барысаўскага кур’еру”, ні “Барысаўскіх навінаў”.
(Карэспандэнт: ) “Чаму?”
(Лягоціна: ) “Нам жа заяўку дае выканкам. І мы цьвёрда выконваем квоту выканкаму. У нас шмат газэтаў выпісана. Усе цэнтральныя. І “Мінская праўда”, і “Советская Белоруссия”.
Паводле рэдактара “Кур’еру з Барысава” Людмілы Атчанашанкі, падобным чынам ставяцца да незалежных выданьняў і на іншых прадпрыемствах, арганізацыях ды ўстановах.
(Атчанашанка: ) “Мяркуючы па тэлефанаваньнях нашых чытачоў, сапраўды кіраўнікі нашых барысаўскіх прадпрыемстваў атрымалі прадпісаньне ад выканкаму ўзяць пад кантроль правядзеньне ведамаснай падпіскі. Гэтае прадпісаньне тычыцца ня толькі дзяржаўных прадпрыемстваў, але і прыватных фірмаў”.