Юры Сьвірко, Менск Пацыенты клінік “маюць магчымасьць зарэгістравацца й атрымаць бюлетэнь для галасаваньня, прадставіўшы мэдычную карту стацыянарнага хворага”, паведаміла агенцтва БелТА.
Як ужо інфармавала Радыё Свабода, Цэнтарвыбаркам ухваліў пастанову выдаваць выбарчыя й рэфэрэндумныя бюлетэні па несапраўдных пашпартах старога ўзору, пэнсійных пасьведчаньнях, вайсковых і студэнцкіх білетах. Аднак мэдычныя карты ў гэтай пастанове ня згадваліся. Паводле прэсавай сакратаркі Міністэрства аховы здароўя Беларусі Вольгі Бартман, у стацыянарах будзе працаваць 261 выбарчы ўчастак.