Радыё Свабода Падчас ператрусу, праведзенага КДБ 22 лютага, у рэдакцыі “Згоды” сканфіскавалі сыстэмныя блёкі кампутараў, дыскеты і іншыя носьбіты інфармацыі. Выхад газэты прыпынены на нявызначаны тэрмін. Рэдактар выданьня Аляксандар Зьдзьвіжкоў праходзіць як сьведка ў крымінальнай справе па факце “распальваньня расавай, рэлігійнай і сацыяльнай варожасьці”. Прычынай завядзеньня справы стаў перадрук карыкатураў на прарока Мухамэда з дацкай газэты.
На наступны дзень пасьля ператрусу ў рэдакцыі “Згоды” няма звыклай дзелавой атмасфэры журналісцкай працы. Аляксандар Зьдзьвіжкоў просіць прабачэньня за гармідар у пакоях — не пасьпелі прыбраць сьляды ўчорашніх падзей. Рэдактар кажа, што будучыня выданьня выглядае няпэўнай. А пакуль, напрыклад, карэспандэнтка Натальля Валакіда раіцца па тэлефоне з адвакатам, бо атрымала запрашэньне на размову ў КДБ.
Заснавальнік газэты Аляксей Кароль і рэдактар Аляксандар Зьдзьвіжкоў ужо пабывалі на допытах у КДБ 22 лютага.
Празь дзяржаўную тэлевізію першы намесьнік міністра інфармацыі Лілія Ананіч заявіла пра наступствы парушэньня артыкулу пра “распальваньне расавай, рэлігійнай і сацыяльнай варожасьці”:
(Ананіч: ) “Дадзенае пэрыядычнае выданьне будзе вынята з усіх каналаў распаўсюду. Бо закон аб друку не дапускае распаўсюду такіх СМІ”.
Аляксандар Зьдзьвіжкоў падкрэсьлівае, што ад 1 студзеня 2006 году “Згода” ўжо не распаўсюджваецца празь дзяржаўную сыстэму:
(Зьдзьвіжкоў: ) “Вядома, яны могуць нас пазбавіць права выдавецкай дзейнасьці. І наагул — зачыніць газэту. На шэсьць месяцаў, ці наагул зачыніць. Дзейнае заканадаўства ім гэта дазваляе. Пабачым. Мая асабістая думка, што ў цяперашнім выглядзе “Згоды” ўжо ня будзе”.
У афіцыйным камэнтары Міністэрства замежных справаў прэс-сакратар Андрэй Папоў зазначыў:
(Папоў: ) “Такога кшталту падыходы цалкам разыходзяцца з афіцыйнай лініяй Рэспублікі Беларусь”.
Летась супраць газэты заводзілі крымінальную справу “за абразу гонару і годнасьці прэзыдэнта”. Урэшце справу перакваліфікавалі ў адміністрацыйную. Аляксею Каралю і Аляксандру Зьдзьвіжкову прысудзілі 100 базавых велічыняў штрафу кожнаму — у пераліку гэта блізу 1200 даляраў.
Раней заснавальнік і галоўны рэдактар “Згоды” Аляксей Кароль заявіў “Свабодзе”, што карыкатуры на прарока Мухамэда былі перадрукаваныя безь ягонага ведама.
Фотарэпартаж з рэдакцыі "Згоды" пасьля ператрусу КДБ
Заснавальнік газэты Аляксей Кароль і рэдактар Аляксандар Зьдзьвіжкоў ужо пабывалі на допытах у КДБ 22 лютага.
Празь дзяржаўную тэлевізію першы намесьнік міністра інфармацыі Лілія Ананіч заявіла пра наступствы парушэньня артыкулу пра “распальваньне расавай, рэлігійнай і сацыяльнай варожасьці”:
(Ананіч: ) “Дадзенае пэрыядычнае выданьне будзе вынята з усіх каналаў распаўсюду. Бо закон аб друку не дапускае распаўсюду такіх СМІ”.
Аляксандар Зьдзьвіжкоў падкрэсьлівае, што ад 1 студзеня 2006 году “Згода” ўжо не распаўсюджваецца празь дзяржаўную сыстэму:
(Зьдзьвіжкоў: ) “Вядома, яны могуць нас пазбавіць права выдавецкай дзейнасьці. І наагул — зачыніць газэту. На шэсьць месяцаў, ці наагул зачыніць. Дзейнае заканадаўства ім гэта дазваляе. Пабачым. Мая асабістая думка, што ў цяперашнім выглядзе “Згоды” ўжо ня будзе”.
У афіцыйным камэнтары Міністэрства замежных справаў прэс-сакратар Андрэй Папоў зазначыў:
(Папоў: ) “Такога кшталту падыходы цалкам разыходзяцца з афіцыйнай лініяй Рэспублікі Беларусь”.
Летась супраць газэты заводзілі крымінальную справу “за абразу гонару і годнасьці прэзыдэнта”. Урэшце справу перакваліфікавалі ў адміністрацыйную. Аляксею Каралю і Аляксандру Зьдзьвіжкову прысудзілі 100 базавых велічыняў штрафу кожнаму — у пераліку гэта блізу 1200 даляраў.
Раней заснавальнік і галоўны рэдактар “Згоды” Аляксей Кароль заявіў “Свабодзе”, што карыкатуры на прарока Мухамэда былі перадрукаваныя безь ягонага ведама.
Фотарэпартаж з рэдакцыі "Згоды" пасьля ператрусу КДБ