Намесьнік старшыні Партыі БНФ Віктар Івашкевіч напісаў ліст да сябраў дэлегацыі дэмакратычных сілаў Беларусі, якая з панядзелка праводзіць сустрэчы ў Вашынгтоне. З’яўленьне гэтага дакумэнту ён тлумачыць адсутнасьцю ў складзе дэлегацыі прадстаўніка Партыі БНФ.
Спадар Івашкевіч не ўпэўнены, што ў беларускіх палітыкаў, якія знаходзяцца ў ЗША, ёсьць супольная пазыцыя наконт выбараў у Палату прадстаўнікоў, якія мусяць адбыцца не пазьней за восень 2008 году:
“Мне хацелася давесьці інфармацыю хаця б аднаго з кіраўнікоў БНФ. Мая прапанова такая – мы павінны агучыць канкрэтны плян на наступны год. Мы ня можам ісьці на выбары, калі ня будуць выкананыя тры абавязковыя ўмовы: вызваленьне палітвязьняў – раз. Допуск прадстаўнікоў апазыцыі ў выбарчыя камісіі (перадусім, ва ўчастковыя) – два. І рэгістрацыя кандыдатаў ад апазыцыі – тры.
Бяз выкананьня гэтых умоваў мы ня будзем удзельнічаць у выбарах і абвяшчаем, што гэта выбарчы фарс.
Вось гэта галоўнае, што, я думаю, трэба было агучыць на сустрэчах у Амэрыцы”.
Пытаюся ў спадара Івашкевіча, чыя гэта пазыцыя?
“На сёньняшні дзень гэта пазыцыя Віктара Івашкевіча. Ні Партыя БНФ у асобе кіраўніка партыі, ні АДС у асобе ўсіх сваіх кіраўнікоў не агучылі сваёй яснай пазыцыі – пры якіх умовах яны ўдзельнічаюць у выбарах, а пры якіх – не ўдзельнічаюць. А калі не ўдзельнічаюць у выбарах, дык што хто робіць”.
Некаторыя палітолягі ўжо зьвязваюць з’яўленьне гэтага ліста са з’ездам Партыі БНФ, які заплянаваны на 8-9 сьнежня. І на якім Віктар Івашкевіч зьбіраецца вылучаць сваю кандыдатуру на пасаду кіраўніка БНФ. Што думае на гэты конт сам спадар Івашкевіч?
“І пасьля выбараў пытаньне, якое я ўздымаю, застанецца. Застаецца таму, што Партыя БНФ, Аб’яднаныя дэмакратычныя сілы павінны свае пазыцыі ясна артыкуляваць. Імкненьне пазьбегнуць вострых кутоў, імкненьне неяк схаваць сваю пазыцыю прыводзіць да таго, што яна робіцца незразумелай. І таму, я лічу, што мы павінны ясна сфармуляваць свае пазыцыі, а не хаваць іх за агульнымі фразамі”.
Сёньня, дарэчы, падчас тэлефоннай размовы са спадаром Лябедзькам, які знаходзіцца ў Вашынгтоне, я спытаўся пра ягоную рэакцыю на ліст Віктара Івашкевіча. Сустаршыня Палітрады АДС адказаў, што ён яшчэ не атрымаў згаданы ліст.
Мы ня можам ісьці на выбары, калі ня будуць выкананыя тры абавязковыя ўмовы: вызваленьне палітвязьняў – раз...
Бяз выкананьня гэтых умоваў мы ня будзем удзельнічаць у выбарах і абвяшчаем, што гэта выбарчы фарс.
Вось гэта галоўнае, што, я думаю, трэба было агучыць на сустрэчах у Амэрыцы”.
Пытаюся ў спадара Івашкевіча, чыя гэта пазыцыя?
“На сёньняшні дзень гэта пазыцыя Віктара Івашкевіча. Ні Партыя БНФ у асобе кіраўніка партыі, ні АДС у асобе ўсіх сваіх кіраўнікоў не агучылі сваёй яснай пазыцыі – пры якіх умовах яны ўдзельнічаюць у выбарах, а пры якіх – не ўдзельнічаюць. А калі не ўдзельнічаюць у выбарах, дык што хто робіць”.
Некаторыя палітолягі ўжо зьвязваюць з’яўленьне гэтага ліста са з’ездам Партыі БНФ, які заплянаваны на 8-9 сьнежня. І на якім Віктар Івашкевіч зьбіраецца вылучаць сваю кандыдатуру на пасаду кіраўніка БНФ. Што думае на гэты конт сам спадар Івашкевіч?
“І пасьля выбараў пытаньне, якое я ўздымаю, застанецца. Застаецца таму, што Партыя БНФ, Аб’яднаныя дэмакратычныя сілы павінны свае пазыцыі ясна артыкуляваць. Імкненьне пазьбегнуць вострых кутоў, імкненьне неяк схаваць сваю пазыцыю прыводзіць да таго, што яна робіцца незразумелай. І таму, я лічу, што мы павінны ясна сфармуляваць свае пазыцыі, а не хаваць іх за агульнымі фразамі”.
Сёньня, дарэчы, падчас тэлефоннай размовы са спадаром Лябедзькам, які знаходзіцца ў Вашынгтоне, я спытаўся пра ягоную рэакцыю на ліст Віктара Івашкевіча. Сустаршыня Палітрады АДС адказаў, што ён яшчэ не атрымаў згаданы ліст.