Магілёўскія дэмакраты падалі заяўку на пікеты за вызваленьне А.Казуліна

Радыё Свабода Сёньня магілёўскія сябры Беларускай сацыял-дэмакратычнай партыі (Грамада) падалі заяўку ў гарвыканкам на правядзеньне пікетаў за вызваленьне Аляксандра Казуліна і іншых палітвязьняў.
Кіраўнік рэгіянальнай арганізацыі партыі Юры Новікаў паведаміў “Свабодзе”, што пікеты будуць праходзіць цягам тыдня — ад 1 да 6 ліпеня. Акцыі пратэсту прымеркаваныя да гадавіны зьняволеньня лідэра Беларускай сацыял-дэмакратычнай партыі (Грамада), былога кандыдата ў прэзыдэнты Аляксандра Казуліна.