Радыё Свабода Група рыма- і грэка-каталікоў – грамадзкіх і культурных дзеячоў Беларусі – зьвярнуліся з адкрытым лістом да Папы Рымскага Бэнэдыкта XVI з просьбай аб дапамозе ў захаваньні і вяртаньні вернікам касьцёла сьвятога Язэпа. У лісьце, у прыватнасьці, гаворыцца: “Мы, беларускія хрысьціяне -- грамадзкія і культурныя дзеячы – зьвяртаемся да Вас з просьбай аб малітоўнай дапамозе ў зьберажэньні ад зьнішчэньня ў сталіцы Беларусі горадзе Менску адзінага закрытага касьцёла з кляштарным комплексам XVII стагодзьдзя, які не пасьпелі зьнішчыць царскія і савецкія атэістычныя ўлады”.
Грамадзкія і культурныя дзеячы Беларусі адзначаюць, што яшчэ 7 жніўня 2001 году была зарэгістравана парафія касьцёла сьвятога Язэпа, але ў парушэньне правоў вернікаў храм так і ня быў перададзены каталіцкаму касьцёлу.
Пад зваротам падпісаліся народны паэт Беларусі Рыгор Барадулін, мастак Аляксей Марачкін, рэдактар газэты “Наша Ніва” Андрэй Дынько, прафэсар Юры Хадыка, віцэ-прэзыдэнт Міжнароднай фэдэрацыі правоў чалавека Алесь Бяляцкі, праваабаронца Валянцін Стэфановіч, старшыня Камітэту абароны рэпрэсаваных “Салідарнасьць” Іна Кулей ды іншыя, разам 19 чалавек.
Пад зваротам падпісаліся народны паэт Беларусі Рыгор Барадулін, мастак Аляксей Марачкін, рэдактар газэты “Наша Ніва” Андрэй Дынько, прафэсар Юры Хадыка, віцэ-прэзыдэнт Міжнароднай фэдэрацыі правоў чалавека Алесь Бяляцкі, праваабаронца Валянцін Стэфановіч, старшыня Камітэту абароны рэпрэсаваных “Салідарнасьць” Іна Кулей ды іншыя, разам 19 чалавек.