Любоў Лунёва, Менск Супрацоўнікі міліцыі Савецкага раёну Менску затрымалі сёньня аднаго з заяўнікаў “Чарнобыльскага шляху”, сябра Сойму Партыі БНФ Юрася Зяньковіча.
Міліцыянты склалі на яго пратакол згодна з артыкулам 23.34 новага Адміністрацыйнага кодэксу (“Парушэньне грамадзкага парадку падчас правядзеньня масавых мерапрыемстваў”). Паводле міліцыянтаў, калёна дэманстрантаў падчас "Чарнобыльскага шляху" выйшла на праезную частку і на некаторы час спыніла рух транспарту.
Для разгляду адміністрацыйнага пратаколу супрацоўнікі міліцыі адвезьлі Юрася Зяньковіча ў суд Цэнтральнага раёну Менску.
Паколькі Юрась Зяньковіч запатрабаваў адваката, судзьдзя Аксана Ралява перанесла разгляд справы на заўтра, 17 траўня. Суд пачнецца а 5-й гадзіне вечара.
Для разгляду адміністрацыйнага пратаколу супрацоўнікі міліцыі адвезьлі Юрася Зяньковіча ў суд Цэнтральнага раёну Менску.
Паколькі Юрась Зяньковіч запатрабаваў адваката, судзьдзя Аксана Ралява перанесла разгляд справы на заўтра, 17 траўня. Суд пачнецца а 5-й гадзіне вечара.