У менскім мікрараёне Сухарава стварылі бацькоўскі камітэт грамадзянаў, якія хочуць, каб іх дзеці выхоўваліся ў беларускамоўных садкох – пра гэта паведаміла БелаПАН старшыня Менскай гарадзкой арганізацыі Таварыства беларускай мовы Алена Анісім.
Паводле Анісім, “бацькоўскі камітэт будзе рабіць неабходныя захады для адкрыцьця новых беларускамоўных групаў у садкох мікрараёну”, а таксама павінен не дапусьціць пераводу дзяцей зь беларускамоўных групаў у расейскамоўныя і дамагацца таго, каб прафэсійны ўзровень выхавальнікаў беларускамоўных групаў адпавядаў іх задачам.
Як патлумачыла Алена Анісім, сытуацыя, што склалася ў Сухараве зь беларускамоўнымі садкамі, патрабуе падтрымкі грамадзкасьці. У садку № 570 узбуйнілі беларускамоўную групу і дабралі ў яе дзетак пяці-шасьці гадоў, а на базе садка № 561 адкрылася беларускамоўная група. “Аснову гэтай групы склалі 12 дзетак, бацькі якіх напісалі заявы, каб іх дочкі і сыны выхоўваліся па-беларуску. Пазьней да гэтай групы далучылі яшчэ дзевяць чалавек, якіх дабіралі загадчыца дашкольнай установы і яе выхавальнікі, угаворваючы бацькоў”, – расказала старшыня менскай арганізацыі ТБМ.
Паводле Анісім, небясьпека палягае ў тым, каб пазьней гэтыя дзявяцера дзетак ня сталі перашкодаю на шляху атрыманьня беларускамоўнага выхаваньня ў садку № 561. “Бацькоўскаму камітэту трэба будзе добра папрацаваць з бацькамі гэтых дзевяцярых дзетак”, – падкрэсьліла Анісім.
У інтэрвію БелаПАН старшыня ТБМ Алег Трусаў выказаўся за стварэньне аналягічных бацькоўскіх камітэтаў пры ўсіх рэгіянальных структурах Таварыства беларускай мовы.
Паводле Анісім, “бацькоўскі камітэт будзе рабіць неабходныя захады для адкрыцьця новых беларускамоўных групаў у садкох мікрараёну”, а таксама павінен не дапусьціць пераводу дзяцей зь беларускамоўных групаў у расейскамоўныя і дамагацца таго, каб прафэсійны ўзровень выхавальнікаў беларускамоўных групаў адпавядаў іх задачам.
Як патлумачыла Алена Анісім, сытуацыя, што склалася ў Сухараве зь беларускамоўнымі садкамі, патрабуе падтрымкі грамадзкасьці. У садку № 570 узбуйнілі беларускамоўную групу і дабралі ў яе дзетак пяці-шасьці гадоў, а на базе садка № 561 адкрылася беларускамоўная група. “Аснову гэтай групы склалі 12 дзетак, бацькі якіх напісалі заявы, каб іх дочкі і сыны выхоўваліся па-беларуску. Пазьней да гэтай групы далучылі яшчэ дзевяць чалавек, якіх дабіралі загадчыца дашкольнай установы і яе выхавальнікі, угаворваючы бацькоў”, – расказала старшыня менскай арганізацыі ТБМ.
Паводле Анісім, небясьпека палягае ў тым, каб пазьней гэтыя дзявяцера дзетак ня сталі перашкодаю на шляху атрыманьня беларускамоўнага выхаваньня ў садку № 561. “Бацькоўскаму камітэту трэба будзе добра папрацаваць з бацькамі гэтых дзевяцярых дзетак”, – падкрэсьліла Анісім.
У інтэрвію БелаПАН старшыня ТБМ Алег Трусаў выказаўся за стварэньне аналягічных бацькоўскіх камітэтаў пры ўсіх рэгіянальных структурах Таварыства беларускай мовы.