«Мы гэтага звычайна не робім. Мы нацягваем усьмешку, намагаемся даваць людзям надзею. Гэта апошняе, што нас трымае. Але я разумею, што мы не бесьсьмяротныя. Калі я гляджу на нашых артыстаў, якія ўжо не падлеткавага ўзросту, якія цягаюць дэкарацыі на сваіх плячах, разгружаюць, загружаюць, мантуюць і гэтак далей... Ну колькі яшчэ гэта можа трымацца вось так? Колькі яны будуць трываць яшчэ? Наколькі ў нас хопіць сіл? Ну, дзесяць гадоў», — сказала Гарцуева.
Паводле актрысы, адна з галоўных праблемаў «Купалаўцаў» — адсутнасьць сталага тэатру. Каб трупа магла нармальна працаваць у Варшаве, патрэбныя памяшканьне, стабільнае фінансаваньне і магчымасьць плаціць акторам заробкі. Праблемай застаецца і недахоп маладога пакаленьня.
Гарцуева ня верыць, што нават пасьля дэмакратычных зьменаў у Беларусі можна будзе проста сабраць ранейшую трупу Купалаўскага тэатру. За гады пасьля 2020-га людзі пастарэлі, разьехаліся па розных краінах, у многіх зьявілася новая праца і новае жыцьцё. Але, паводле актрысы, «Купалаўцы» могуць захаваць традыцыю тэатру і перадаць яе наступнаму пакаленьню.
ГЛЯДЗІЦЕ ТАКСАМА:
«Канапа» з Гарцуевай — пра «гэбістаў» на кастынгу, падпольле ў Беларусі і «тры гады ў сьне»Пра праект «Канапа»
«Канапа» — гэта ўтульныя інтэрвію Дзьмітрыя Гурневіча, дзе госьці разважаюць пра Беларусь і беларускасьць. І проста могуць быць сабой. Глядзіце на YouTube-канале Радыё Свабода.