Фядута пра Ціханоўскага і «Нашу Ніву». Алеўскі пра «напад зь Беларусі». Бесараб пра ядзерны магільнік

Алеўскі закрануў расейскія дывэрсіі ў Нямеччыне, да якіх мае датычнасьць і грамадзянін Беларусі. Ён расказаў, як адбываецца вярбоўка патэнцыйных дывэрсантаў.

Алеўскі: Усё адбываецца вельмі проста. Праз сацыяльныя сеткі, Discord, Тэлеграм. Калі б іх не было, спэцслужбы б рабілі ўсё галубінай поштай. Расея навучылася знаходзіць ня вельмі разумных, залежных, бедных людзей, якія знаходзяцца ў Эўропе і гатовыя зарабіць грошы ў абмен за нешта нескладанае. Многія з такіх людзей ставяцца да Расем вельмі ляяльна, сярод іх ёсьць нават украінцы. І калі такіх просяць нешта падпаліць за грошы, яны згаджаюцца. Заходнія спэцслужбы, верагодна, сочаць за гэтым і ведаюць пра такія выпадкі. І, магчыма, у выніку такіх дзеяньняў будуць зьмененыя правілы прыватнасьці ў сацыяльных сетках. Для Расеі такія дывэрсіі важныя, яны прыводяць да зьмяншэньня ваеннай вытворчасьці і таксама гэта стварае ілюзіі, што Расея ўжо перамагае і што Пуцін ужо перамог вайну ў Эўропе.

Пра канфлікт Сяргея Ціханоўскага з «Нашай Нівай», унутраныя сваркі беларускай дэмакратычнай супольнасьці і пошук больш канструктыўнай размовы — з паліттэхнолягам Аляксандрам Фядутам. І, нарэшце, незалежная экспэртыза праекту могільніка радыеактыўных адходаў у Беларусі, яго магчымыя рызыкі і праблемы афіцыйнай справаздачы — з экспэртам па радыяцыйнай бясьпецы Сяргеем Бесарабам.

0:41 - Ці ўдасца Ўкраіне закрыць неба над Расеяй і як гэта адаб'ецца на Беларусі
6:53 - Чаму дырэктар ЦРУ нечакана наведваў Маскву
12:45 - Чаго Расея хоча дамагчыся дывэрсіямі ў Эўразьвязе
17:58 - Якой можа быць роля Беларусі ў новай расейскай агрэсіі
21:13 - Сяргей Ціханоўскі супраць «Нашай Нівы»
34:35 - Чым небясьпечны магільнік радыяактыўных адкідаў з Астравецкай АЭС