Ва ўрачыстай цырымоніі з нагоды пачатку працы дыпляматычнай місіі ўзялі ўдзел прэзыдэнт М’янмы Мін Аун Глайн, а таксама міністры замежных спраў, пасол М’янмы і ўдзельнікі м’янманскай дэлегацыі, перадае БелТА.
- Дыпляматычныя адносіны паміж Беларусьсю і М’янмай былі ўсталяваныя ў 1999 годзе.
- 15 верасьня 2023 году М’янма адкрыла сваё генэральнае консульства ў Менску.
- 28 ліпеня 2026 году пасол М’янмы Маун Маун Со ўручыў даверчыя граматы Аляксандру Лукашэнку. Фармальна пасольства пачало дзейнасьць з гэтага моманту, патлумачыў міністар замежных спраў Беларусі Максім Рыжанкоў.
Свайго будынку ў пасольства яшчэ няма — яго яшчэ ўзводзяць на Парніковай вуліцы. І прэзыдэнт М’янмы падчас свайго візыту прыяжджаў паглядзець на будоўлю.
Прэзыдэнт М’янмы Мін Аун Глайн падчас наведваньня пляцоўкі, дзе будуецца новы будынак пасольства М’янмы ў Менску
Паводле Рыжанкова, неўзабаве ў М’янму адправяць некалькі дыпляматаў, каб знайсьці памяшканьні для беларускага пасольства, жытла і іншых побытавых пытаньняў.