Міжнародная акцыя «Дзень годнасьці», якую ладзіць беларуская дыяспара па ўсім сьвеце ў шостую гадавіну выбарчых пратэстаў 2020 году, прайшла ў Вільні. Удзельнікі сабраліся на мітынг на Катэдральнай плошчы ў цэнтры гораду і прайшлі маршам да Варты сьвятла перад беларускай амбасадай.
Беларусы Вільні выйшлі на «Дзень годнасьці» у гадавіну пратэстаў 2020 году. ФОТА
Удзельнікі акцыі на Катэдральнай плошчы ў Вільні
Мітынг на Катэдральнай плошчы ў Вільні каля помніку Гедзіміну
Выступ «Вольнага хору»
Прамова дырэктара віленскага офісу Сьвятланы Ціханоўскай, яе дарадцы ў дыпляматычных пытаньнях Дзяніса Кучынскага.
Перад прамовай Дзяніса Кучынскага адна з апанэнтак офісу Сьвятланы Ціханоўскай прынесла да імправізаванай сцэны талерку з локшынай
Літоўская паліцыя размаўляе з удзельнікамі акцыі, якія цалкам схавалі твары за цёмнымі акулярамі і маскамі. Паводле літоўскага Закону аб сходах, паліцыя можа спыніць акцыю, калі яе ўдзельнікі хаваюць твары, каб іх немагчыма было пазнаць. Пасьля удакладненьня ім дазволілі прысутнічаць на акцыі у такім выглядзе.
Катэдральная плошча ў Вільні
Карагод удзельнікаў акцыі
Карагод удзельнікаў акцыі
Былая палітзьняволеная, грамадзкая дзяячка, дасьледчыца беларускіх вязьняў ГУЛАГу Валерыя Чарнаморцава падчас маршу
Музыка Юры Стыльскі
Марш беларусаў па галоўнай вуліцы Вільні — праспэкце Гедзіміна
Бел-чырвона-белыя сыгнальныя агні падчас маршу беларусаў
Удзельнікі акцыі нясуць вялікі бел-чырвона-белы сьцяг
Удзельнікі акцыі нясуць вялікі бел-чырвона-белы сьцяг, побач — літоўскі сьцяг такога ж памеру