Дата дня
12 ліпеня 1788 году памёр Ігнат Даніловіч, беларускі ўніяцкі і праваслаўны сьвятар, прафэсар Віленскага ўнівэрсытэту, правазнаўца і гісторык. Падрыхтаваў першае навуковае выданьне Статуту ВКЛ 1529 году. Разам з прафэсарам Віленскага ўнівэрсытэту Міхалам Баброўскім у бібліятэцы Супрасьлеўскага манастыра адкрыў гэтак званы Літоўскі летапіс 1446 году.
Гэты дзень у гісторыі
1863 — апошні бой паўстанцаў Рамуальда Траўгута з расейскімі вайскоўцамі ў Калодным на Століншчыне.
1920 — РСФСР паводле Маскоўскай дамовы прызнала Літоўскую Рэспубліку, у прыватнасьці яе права на Вільню.
1940 — у Вільні выйшаў апошні нумар газэты „Крыніца“ (таксама выходзіла як «Беларуская крыніца»), якую выдавала беларуская хрысьціянская дэмакратыя.
1971 — у Пітсбургу на канцэрце ўпершыню ўжывую выканалі рок-опэру Jesus Christ Superstar. Паўнавартасная тэатральная пастаноўка дэбютавала на Брадвэі толькі праз тры месяцы.
1988 — абласны савет Нагорнага Карабаху абвясьціў аб выхадзе вобласьці са складу Азэрбайджану.
2006 — пачатак ізраільска-лібанскай вайны.
2023 — Сьвятлана Ціханоўская сустрэлася з Джо Байдэнам у Вільні.
У гэты дзень нарадзіліся
100 да н.э. — Гай Юліюс Цэзар, выбітны рымскі палкаводзец, палітычны дзеяч і дыктатар Рымскай рэспублікі.
1904 — Алеся Александровіч, беларуская літаратуразнаўца і пэдагог.
1916 — Лаўрэнці Абэцэдарскі, беларускі гісторык.
1920 — Ядвіга Раманоўская, беларускі арганізатар музэйнай справы, захавальніца літаратурнай і архіўнай спадчыны Я. Купалы.
1958 — Павал Лойка, гісторык, які быў аўтарам першых у незалежнай Беларусі падручнікаў гісторыі.
1884 — Амэдэо Мадыльяні, італьянскі мастак.
1904 — Пабла Нэруда, чылійскі паэт.
Пабла Нэруда
1970 — Ірына Слаўнікава, журналістка, былая супрацоўніца «Белсату». Ірына Слаўнікава асуджаная на 5 гадоў калёніі за «арганізацыю і падрыхтоўку дзеяньняў, што груба парушаюць грамадзкі парадак» і «стварэньне экстрэмісцкага фармаваньня або ўдзел у ім». Ёй далі на год больш, чым прасіў пракурор. Яе вызвалілі 11 верасьня 2025 году паводле дамоўленасьцяў з ЗША.
Ірына Слаўнікава пасьля вызваленьня
У памяці
1536 — Эразм Ратэрдамскі, галяндзкі пісьменьнік і філёзаф.
1586 — Міхал Гарабурда, дзяржаўны дзяяч ВКЛ, дыплямат, адзін з кіраўнікоў праваслаўнай партыі ў ВКЛ.
1843 — Ігнат Даніловіч, дасьледчык гісторыі ВКЛ, гісторык права, прафэсар Віленскага ўнівэрсытэту.
2013 — Кастусь Харашэвіч, мастак-жывапісец, гадаванец Саюзу мастакоў Беларусі, адзін з пляяды стваральнікаў вобразу Маладэчна як гораду мастакоў. Напісаў кнігу ўспамінаў «Зьведанае і перажытае».
2013 — на 42-м годзе жыцьця памёр беларускі бард і грамадзкі актывіст Ігар Сімбіроў з Асіповічаў.
2014 — Валерыя Навадворская, расейская палітычная дзяячка, дысыдэнтка, праваабаронца, ураджэнка Беларусі.
Валерыя Навадворская зь юнацтва была актыўнай удзельніцай савецкага дысыдэнцкага руху. У 1969 годзе, калі ёй было ўсяго 19 гадоў, Навадворскую судзілі з абвінавачаньнем у антысавецкай агітацыі, а потым накіравалі на прымусовае лячэньне ў псыхіятрычную клініку. У савецкі пэрыяд Навадворскую некалькі разоў судзілі і 17 разоў арыштоўвалі.
Валерыя Навадворская