Ужо сёньня: 250 гадоў незалежнасьці ЗША

Дата дня

4 ліпеня 1776 году была прынятая Дэклярацыя незалежнасьці Злучаных Штатаў Амэрыкі.

ГЛЯДЗІЦЕ ТАКСАМА:

Абаронца Нью-Ёрку, вершнікі і нават пірат. Расказваем, як ураджэнцы беларускіх зямель дапамагалі ЗША заваяваць незалежнасьць

Таксама ў гэты дзень

1610 — Бітва пры Клушыне (Смаленшчына). Разьбіўшы войскі Дзьмітрыя Шуйскага, гетман польны каронны Станіслаў Жалкеўскі падступіўся да Масквы, дзе тым часам цар Васіль Шуйскі быў зрынуты з пасаду і было праведзена абраньне каралевіча Уладзіслава, у выніку Жалкеўскі быў упушчаны ў Маскву з каронным войскам.

1950 — першай перадачай у эфір выйшла радыёстанцыя «Свабодная Эўропа».

Першая студыя Радыё Свабодная Эўропа, Мюнхэн, 1950-я гады

1954 — у Менску ўрачыста адкрылі помнік-абэліск на плошчы Перамогі.

Плошча Перамогі ў Менску

2008 — падчас сьвяткаваньня афіцыйнага Дня Незалежнасьці каля 0:25 адбыўся выбух. Пацярпелі каля 50 чалавек, па абвінавачаньні ва ўчыненьні выбуху ў 2011 годзе быў асуджаны Дзьмітры Канавалаў (і за неданясеньне Ўладзіслаў Кавалёў), якіх расстралялі ў 2012 годзе.

Паранены ў выніку выбуху на Дзень Рэспублікі, 4 ліпеня 2008

БІБЛІЯТЭКА СВАБОДЫ:

Алег Грузьдзіловіч. Хто ўзарваў менскае мэтро

2012 — прайшла акцыя супраць парушэньня свабоды слова ў Беларусі, якая ў СМІ атрымала назву «Плюшавы дэсант». Двое швэдзкіх пілётаў на аднаматорным самалёце скідалі на парашуціках над Менскам і Івянцом цацачных мядзьведзікаў з таблічкамі і надпісамі на іх. Усяго скінулі 879 штук.

ГЛЯДЗІЦЕ ТАКСАМА:

Памідорам у Лукашэнку, крывавы салют, «плюшавы дэсант», мілітарызаваны агратрэш. Што трагічнага і камічнага адбывалася 3 ліпеня ў 1997-2023

У гэты дзень нарадзіліся

1807 — Джузэпэ Гарыбальдзі, народны герой Італіі, лідэр змаганьня за незалежнасьць і аб’яднаньне краіны (Risorgimento).

Джузэпэ Гарыбальдзі

1902 — Мэер Ланскі, ураджэнец Горадні, адзін з самых знакамітых босаў амэрыканскай мафіі, „бухгальтар мафіі“, гангстар.

Мэер Ланскі

1904 — Анатоль Альшэўскі, публіцыст, дзеяч рэвалюцыйнага руху ў Заходняй Беларусі, ахвяра сталінізму.

1922 — Вадзім Круталевіч, беларускі праўнік, гісторык, сацыёляг.

1926 — Іван Здановіч, беларускі мовазнавец і краязнавец на Пружаншчыне.

Іван Здановіч

У памяці

1826 — Томас Джэфэрсан, амэрыканскі палітычны і грамадзкі дзеяч, аўтар Дэклярацыі незалежнасьці ЗША, трэці прэзыдэнт ЗША.

Томас Джэфэрсан, карціна Джылбэрта Ст’юарта

1848 — Франсуа Рэнэ дэ Шатабрыян, францускі пісьменьнік, адзін з заснавальнікаў эўрапейскага рамантызму.

Франсуа Рэнэ дэ Шатабрыян

1934 — Марыя Складоўская-Кюры, выдатная француская вучоная польскага паходжаньня, фізык і хімік, дасьледніца радыяактыўнасьці, двойчы ляўрэатка Нобэлеўскай прэміі.

Марыя Складоўская-Кюры