Дата дня
457 гадоў таму, 1 ліпеня 1569 году, польскія і літоўскія дэпутаты на агульным сойме ў Любліне падпісалі акт Люблінскай уніі паміж Каралеўствам Польскім і Вялікім Княствам Літоўскім.
Люблінская унія, карціна Яна Матэйкі
Таксама ў гэты дзень
1812 — Напалеон абвясьціў узнаўленьне Вялікага Княства Літоўскага і стварыў часовы ўрад ВКЛ.
1858 — упершыню агучаная тэорыя эвалюцыі Чарльза Дарвіна.
1863 — пачалася бітва пры Гетысбэргу, адна з вырашальных бітваў Грамадзянскай вайны ў ЗША, у якой войскі Поўначы нанесьлі паразу войскам Поўдня.
Грамадзянская вайна ў ЗША
1867 — на мапе зьявілася Канада як самакіраваная краіна ў складзе Брытанскай імпэрыі. У гэты дзень некалькі брытанскіх калёній у Паўночнай Амэрыцы аб’ядналіся ў Дамініён Канада. Поўную незалежнасьць ад Вялікай Брытаніі краіна атрымлівала паступова ўжо пазьней.
1 ліпеня — Дзень Канады, галоўнае сьвята краіны і выходны дзень
1921 — зацьверджаны статут Таварыства беларускай школы, створанага ў Вільні.
1942 — у Менску адбываецца пахаваньне памерлай Бянігны Луцэвіч, маці Янкі Купалы, на Вайсковых могілках яе магілу асьвяціў ксёндз Вінцэнт Гадлеўскі. У той самы дзень у Маскве хаваюць загінулага Янку Купалу.
1944 — у Брэтан-Вудсе пачалася канфэрэнцыя саюзьнікаў, якая зацьвердзіла пляны стварэньня Міжнароднага валютнага фонду і Сусьветнага банку.
1966 — Францыя перастала падпарадкоўвацца агульнаму камандаваньню NATO, але сам альянс не пакінула. Вярнулася ў агульнае вайсковае камандаваньне NATO яна толькі ў 2009 годзе.
1974 — прэзыдэнт ЗША Рычард Ніксан наведаў Беларусь.
Рычард Ніксан у Менску
ГЛЯДЗІЦЕ ТАКСАМА:
Пакараньне Менскам1989 — у Кіеве створаны Народны Рух Украіны.
1991 — у Празе падпісаны пратакол аб афіцыйным спыненьні існаваньня Арганізацыі Варшаўскай дамовы
1997 — Ганконг ізноў афіцыйна стаў часткай Кітаю.
2013 — Харватыя ўступіла ў Эўрапейскі Зьвяз.
Падчас цырымоніі далучэньня Харватыі да Эўразьвязу сьцяг краіны ўносяць у Эўрапарлямэнт, 1 ліпеня 2013
2016 — грашовая дэнамінацыя ў Беларусі. За 10000 старых беларускіх рублёў давалі 1 новы. Упершыню за ўсю гісторыю беларускага рубля ў зварот увялі манэты. Да таго Беларусь была адной з нешматлікіх краін у сьвеце, дзе выпускаліся толькі памятныя манэты, якія фактычна не ўжываліся ў звароце.
ГЛЯДЗІЦЕ ТАКСАМА:
Адгадай год па курсе рубля да даляра. ТэстУ гэты дзень нарадзіліся
1506 — Людвік II Ягелончык, вугорскі і чэскі кароль з дынастыі Ягайлавічаў.
1593 — Альбрыхт Станіслаў Радзівіл, які пасьля Льва Сапегі 33 гады займаў пасаду Вялікага канцлера ВКЛ. Моцна пільнаваўся закону, за што атрымаў мянушку Абаронца Правоў. Заснаваў Пінскі езуіцкі калегіюм, аўтар „Дзёньніка“.
1646 — Готфрыд Вільгельм Ляйбніц, нямецкі філёзаф і матэматык.
1780 — Карл Кляўзэвіц, нямецкі генэрал і ваенны тэарэтык.
1804 — Жорж Санд, француская пісьменьніца.
1828 — Іпаліт Гараўскі, жывапісец, аўтар карціны „Каля крыжа. Сьмерць паўстанца. 1863“, якую можна пабачыць у Мастацкім музэі ў Менску.
Іпаліт Гараўскі. «Каля крыжа. Сьмерць паўстанца»
1904 — Генрых Глябовіч, беларускі ксёндз, прафэсар тэалёгіі ўнівэрсытэту Стэфана Баторыя ў Вільні. 3 траўня 1941 году склаў акт адданьня Богу свайго жыцьця як ахвяру за ратаваньне веры ў моладзі. За душпастырскае служэньне на Беларусі быў расстраляны гестапа ў Барысаве.
1927 — Зора Кіпель, літаратуразнаўца, перакладчыца, грамадзкая дзяячка паваеннай эміграцыі ў Нямеччыне, Бэльгіі й ЗША, жонка Вітаўта Кіпеля.
Зора Кіпель
У памяці
1938 — у Алтайскім краі органамі НКВД расстраляны Іван Цьвікевіч, мэдык, грамадзкі і навуковы дзяяч, публіцыст, ахвяра сталінізму.
2000 — Рыгор Клімовіч, вязень ГУЛАГу, адзін з кіраўнікоў Нарыльскага паўстаньня палітзьняволеных 1953 году, мэмуарыст, удзельнік нацыянальна-дэмакратычнага руху 1980–1990-х.