Дата дня
27 чэрвеня 1989 году ўстаноўчы зьезд Таварыства беларускай мовы прыняў зварот да ўсіх прыхільнікаў беларускага слова. Старшынём ТБМ быў абраны Ніл Гілевіч. 8 лістапада 2021 году Вярхоўны суд ліквідаваў ТБМ.
Ніл Гілевіч
Таксама ў гэты дзень
1905 — пачалося паўстаньне каманды расейскага браняносца «Пацёмкін» на Чорным моры, адна са знакавых падзеяў рэвалюцыі 1905–1907 гадоў у Расеі.
Удзельнікі паўстаньня, матросы браняносца «Князь Пацёмкін-Таўрыйскі» на палубе карабля. Адэса, ліпень 1905 году
1929 — у Менску на паседжаньні Бюро ЦК КП(б)Б прадстаўленыя вынікі працы камісіі Ўладзіміра Затонскага, якія сталі штуршком да расправы зь беларускай інтэлігенцыяй.
1941 — у Віцебску НКВД распачаў масавыя расстрэлы палітычных вязьняў.
1941 — пачалася нямецкая акупацыя Беластоку.
1944 — у Менску пачаўся Другі Ўсебеларускі кангрэс, скліканы Беларускай цэнтральнай радай.
ГЛЯДЗІЦЕ ТАКСАМА:
Хто і дзеля чаго стаў пад сьцяг БЦР?2014 — Украіна, Грузія і Малдова падпісалі Пагадненьне аб асацыяцыі з Эўразьвязам.
2014 — у Віцебску адкрылі помнік Альгерду.
Помнік Альгерду ў Віцебску
У гэты дзень нарадзіліся
1784 — Лявон Бароўскі, літаратуразнавец, філёляг, гісторык і тэарэтык літаратуры, прафэсар Віленскага ўнівэрсытэту ў часы студэнцтва Адама Міцкевіча і яго аднагодкаў.
1909 — Сяргей Знаёмы, пісьменьнік і журналіст, ахвяра сталінізму.
1925 — Лідзія Арабей, пісьменьніца і літаратуразнаўца, дасьледніца творчасьці Алаізы Пашкевіч (Цёткі).
Лідзія Арабей
1934 — Віктар Карамазаў, пісьменьнік.
1951 — Рыгор Кійко, мастак-кераміст, сябра КХП-БНФ.
Рыгор Кійко
1954 — Павал Марціновіч, паэт і перакладнік.
1961 — Анатоль Лябедзька, палітык і палітвязень.
Анатоль Лябедзька
У памяці
1863 — Зыгмунт Серакоўскі, адзін з кіраўнікоў паўстаньня 1863–1864 гадоў (павешаны ў Вільні на Лукіскім пляцы).
1933 — Міхась Явар, беларускі паэт. Страляўся з рэвальвэра на беразе Нёмна пасьля адмовы каханай дзяўчыны выйсьці за яго замуж. Адмовіла, бо ён хварэў на сухоты.