Паводле яго, ён ужо даручыў міністарцы замежных спраў Байбэ Бражэ разам з Эўразьвязам знайсьці рашэньне, як рэалізаваць поўную адмову ад гандлёвых сувязяў з краінамі-агрэсарамі.
«Гэта непатрэбная залежнасьць, якая толькі пагаршае сытуацыю», — цытуе яго Delfi.
Кулбэргс удакладніў, што гаворка ідзе як пра экспарт, так і пра імпарт.
Ён дадаў, што выключэньні могуць быць толькі для фармацэўтычных прадпрыемстваў Латвіі, бо яны ня могуць хутка пераарыентавацца на іншыя рынкі.
У траўні Міністэрства транспартных зносін Латвіі падрыхтавала папраўкі для поўнай забароны рэгулярных і транзытных аўтобусных рэйсаў зь Беларусьсю і Расеяй. Нерэгулярныя рэйсы пад забаронай ужо зь мінулай восені.
Андрыс Кулбэргс прыйшоў на пасаду прэм’ер-міністра Латвіі пасьля адстаўкі Эвікі Сыліні, чый урад распаўся праз крызіс вакол залёту ў Латвію ваенных дронаў і выкліканай гэтым адстаўкі міністра абароны.