Дзень у гісторыі
1570 — Лагішын атрымаў магдэбурскае права.
1599 — створаная Віленская канфэдэрацыя — саюз кальвінісцкай і праваслаўнай шляхты.
1625 — Дарагабуж атрымаў магдэбурскае права і герб.
1863 — бітва пад Уладыкамі (Вялейскі павет), паўстанцы пацярпелі паразу, было шмат палеглых, у тым ліку кіраўнік паўстанцаў Вінцэнт Козел-Паклеўскі.
1871 — пасьля тыдня крывавых баёў разгромленая Парыская камуна.
1905 — параза расейскага флёту ў Цусімскай бітве падчас расейска-японскай вайны.
1918 — адбылося абвяшчэньне незалежнасьці Армэніі і Азэрбайджану.
1961 — у Лёндане ўтварылі праваабарончую арганізацыю Amnesty International.
1987 ― 18-гадовы заходненямецкі пілёт Матыяс Руст пасадзіў прыватны самалёт Sessna 172P на Краснай плошчы ў Маскве.
Матыяс Руст і самалёт на Краснай плошчы
У гэты дзень нарадзіліся
1836 — Ян Карловіч, лінгвіст, этнограф, фальклярыст, музыказнаўца.
1877 — Оскар Мілаш, паэт і пісьменьнік. Нарадзіўся ў Чарэі.
1908 — Ян Флемінг, брытанскі пісьменьнік, аўтар раманаў пра Джэймза Бонда.
Ян Флемінг
1918 — Кастусь Маскалік, грэка-каталіцкі сьвятар, грамадзкі дзяяч.
1924 — Леанід Побаль, археоляг, доктар гістарычных навук, прафэсар.
1937 — Генрых Ціхановіч, мастак.
1960 — Алесь Аркуш, нарадзіўся ў Жодзіне. Беларускі пісьменьнік, выдавец і журналіст. Стваральнік і натхняльнік Таварыства вольных літаратараў (ТВЛ). Пры ім выходзіў часопіс «Калосьсе», дзейнічала выдавецкая ініцыятыва «Полацкае ляда» і была заснаваная літаратурная прэмія «Гліняны Вялес».
ГЛЯДЗІЦЕ ТАКСАМА:
Стваральнік Таварыства вольных літаратараў Алесь Аркуш: «Усё, што магло самастойна існаваць і ўплываць на грамадзтва, улада зьліквідавала»У памяці
1549 — Аляксандар Хадкевіч, дзяржаўны дзяяч Вялікага Княства Літоўскага.
1863 — Вінцэнт Козел-Паклеўскі, адзін з кіраўнікоў паўстаньня 1863–1864 гадоў.
1916 — Іван Франко, украінскі пісьменьнік.
Іван Франко
2018 – Арсень Ліс, доктар філялёгіі, фальклярыст і літаратуразнаўца.