Дата дня
18 траўня 2021 году сілавікі прыйшлі зь ператрусам у рэдакцыю парталу Tut.by. У выніку рэсурс быў зьнішчаны, а за кратамі паводле надуманых абвінавачаньняў, якіх нават доўгі час не абвяшчалі, апынуліся 15 чалавек. Цяпер у зьняволеньні застаецца адна зь іх — генэральныя дырэктарка кампаніі Людміла Чэкіна.
ГЛЯДЗІЦЕ ТАКСАМА:
Чаму ўлады дагэтуль баяцца Tut.by і што б зрабіў Зісер. Адказвае адзін з заснавальнікаў Tut.by Кірыл Валошын
У гэты дзень
1906 — у Пецярбургу была заснаваная беларуская выдавецкая суполка «Загляне сонца і ў наша ваконца» (існавала да 1914). Яе стваральнікам быў Вацлаў Іваноўскі.
1924 — у Вільні пачала выходзіць газэта «Сын беларуса», якая публікавала выступы беларускіх дэпутатаў у польскім Сойме.
1944 — пачалася дэпартацыя крымскіх татараў з Крыму ў Цэнтральную Азію.
1954 — уступіла ў сілу Эўрапейская канвэнцыя правоў чалавека.
У гэты дзень нарадзіліся
1872 — Бэртран Расэл, брытанскі філёзаф, матэматык і грамадзкі дзяяч.
1920 — Караль Юзэф Вайтыла, вядомы як папа Рымскі Ян Павал II.
Ян Павал ІІ, 1979 год
1940 — Ян Чыквін, беларускі паэт, які жыве ў Польшчы.
1938 — Міхаіл Казінец, беларускі дырыгент.
1958 — Ян Максімюк, беларускі перакладнік, былы журналіст Радыё Свабода.
Ян Максімюк
У памяці
1910 — ў Горадні пасьля цяжкай хваробы сэрца памерла Эліза Ажэшка, польска-беларуская пісьменьніца.
1911 — памёр Густаў Малер, аўстрыйскі кампазытар.