Унікальны двухпавярховы драўляны дом у раёне Новы Свет быў пабудаваны ў 1932 годзе ў стылі канструктывізму са склепам і мэзанінам. Доўгі час ён быў жылым. Раней у яго падвале разьмяшчалася мясная крама адной з гаспадарак Горадзенскага раёна.
Згодна з праектам кампаніі «ВКЛ-праект», на першым паверсе разьмесьціцца вэстыбюль гатэлю, рэстаран і кавярня. Тут жа будуць дапаможныя памяшканьні пунктаў грамадзкага харчаваньня.
Так будынак будзе выглядаць пасьля рэканструкцыі
Другі і трэці паверхі зоймуць апартамэнты і нумары, тэхнічныя памяшканьні для іх абслугоўваньня. У склепе разьмесьцяцца дапаможныя памяшканьні рэстарана і кавярні. Будынак месьціцца на вуліцы Міцкевіча, 1, насупраць адміністрацыі Ленінскага раёна.
Новы Сьвет — былое гарадзенскае прадмесьце, што стваралася з канца ХІХ стагодзьдзя. Пачынаючы з другой паловы 2000-х, улады істотна зруйнавалі старыя кварталы, захаваўшы толькі частку дамоў.