Рашэньне стварыць адзіную базу грузаперавозьнікаў зьявілася ў час працы супольна беларуска-расейскай Камісіі ў міжнародных перавозках, паведаміла Міністэрства транспарту Расеі.
Удзельнікі вырашылі распрацаваць пасьлядоўны «мэханізм непазбежнасьці пакараньня» за парушэньні ў галіне транспарту ў так званай Саюзнай дзяржаве.
Акрамя таго, Беларусь і Расея сынхранізуюць падыходы да перавозкі небясьпечных грузаў. Таксама ўдзельнікі абмеркавалі арганізацыю перавозкі бэнзіну беларускіх НПЗ з выкарыстаньнем расейскіх аўтацыстэрнаў, рэгістрацыю рэзыдэнтаў Беларусі ў расейскіх інфармацыйных базах.
Цяпер у рэестры міжнародных маршрутаў рэгулярных перавозак паміж Расеяй і Беларусьсю зарэгістраваны 121 маршрут, у тым ліку ў 2025 годзе было ўзгоднена 39, у 2026-м — восем. На наступным этапе плянуюць падрыхтаваць супольны плян разьвіцьця аўтаперавозак паміж дзьвюма краінамі.
ГЛЯДЗІЦЕ ТАКСАМА:
За 10 месяцаў 2025 году аб’ём перавозак грузаў у Беларусі ўпаў больш чым на 3 працэнтыНа мінулым тыдні пачала дзеяньне яшчэ адна дамова афіцыйных Масквы і Менску. Зь беларускіх аэрапортаў перасталі выпускаць расейскіх прызыўнікоў.
Калі расейскаму грамадзяніну, які атрымае позву ў войска, забароняць перасякаць мяжу, то ён ня зможа выехаць у тым ліку праз тэрыторыю Беларусі, што пацьвердзілі афіцыйна ў Дзяржаўным памежным камітэце.