За выданьнем стаіць калектыў аўтараў, сярод іх Тацяна Валодзіна, Вольга Волкава, Андрэй Кіштымаў, Ларыса Лаўрэенка, Уладзімер Лобач, Валянціна Мятліцкая (Лебедзева), Сяргей Сергачоў, Андрэй Чарнякевіч. Навуковая рэдакцыя — Захар Шыбека.
Чарговы том кнігі выйшаў у праскім выдавецтве Vesna. Кніга ў цьвёрдай вокладцы.
Розьнічны гандаль у Беларусі дасьледуецца паводле пяці асноўных кірункаў: аналіз гістарыяграфіі і крыніц, агляд спажывецкага рынку, умовы з боку ўладаў, дзейнасьць і майстэрства гандляроў, роля спажыўца.
Першы том — пра раздробны гандаль у даіндустрыяльнай Беларусі — пабачыў сьвет у 2023 годзе і ахапляе пэрыяд ад сярэдзіны ХІІІ ст. да 1861 г.
Другі том — гандаль у раньнеіндустрыяльным беларускім грамадзтве — выйшаў у 2024-м і ахапляе пэрыяд ад 1861 да 1939 году.