Міністэрства сувязі і інфарматызацыі Беларусі выдала пастанову пра далучэньне дзяржаўнага прадпрыемства «Белсаюздрук» да структуры іншага прадпрыемства — «Белпошты». Пра гэта паведамілі ў дзяржаўнай паштовай службе.
«Белсаюздрук» — найбуйнейшая нацыянальная гандлёвая сетка продажу і дастаўкі прэсы ў Беларусі. Яна налічвае больш за 660 гандлёвых аб’ектаў. Акрамя таго, у яе структуры — некалькі філіялаў. Кампанія — у падведамасным падпарадкаваньні Міністэрства сувязі.
З 30 красавіка Міністэрства правядзе пераўтварэньні, і «Белсаюздрук» далучаць да «Белпошту».
Як вынік, усе гандлёвыя аб’екты сеткі пяройдуць пад кантроль паштовага прадпрыемства. Пры гэтым у іх па-ранейшаму будуць прадаваць газэты, часопісы і іншыя тавары спажывецкага попыту, сутнасьць арганізацыі працы там ня зьменіцца, зьменіцца толькі падпарадкаваньне.
Завяршыць пераўтварэньні плянуюць паступова да 2-8 траўня.
Друкаваныя выданьні, падпіска на якія была аформлена на травень-чэрвень 2026 году праз гандлёвыя аб’екты «Белсаюздруку», можна будзе атрымаць у шапіках, павільёнах, а таксама аб’ектах паштовай сувязі «Белпошты».
На гэты момант у складзе беларускага «Белпошты» больш за 2,8 тыс. аддзяленьняў па ўсёй краіне.