Пра гэта паведаміла пракуратура Горадзенскай вобласьці.
Але гэта ня ўсе выдаткі кіроўцы. За парушэньне правілаў дарожнага руху яму выпісалі штраф у 8400 рублёў і на 5 гадоў забаранілі сядаць за руль.
Да таго ж, разбураную капліцу зьбіраюцца пабудаваць наноў. І заплаціць за гэта таксама давядзецца віноўніку аварыі з сваёй кішэні.
Здарэньне адбылося летась 17 кастрычніка. У вёсцы Ра́сла Смаргонскага раёну сярод белага дня кіроўца ўрэзаўся ў прыдарожную каталіцкую капліцу і дашчэнту яе разбурыў, паведамляў Katolik.life.
Ад моцнага ўдару легкавік «Аўдзі» перакуліла на дах і моцна перакарабаціла. Але 25-гадовы кіроўца нейкім цудам нават не пацярпеў.
Каменная капліца была гісторыка-культурным помнікам XIX стагодзьдзя. Усярэдзіне стаяў абраз з расьпяцьцем і вазы з кветкамі.