У дакумэнтах пазначаліся іншыя краіны прызначэньня, а маршрут дастаўкі ішоў цераз Польшчу, Літву і Беларусь. Гэтак у Расею трапілі больш за 100 аўтамабіляў коштам больш як 13,6 мільёна даляраў.
За незаконны абыход санкцый фірму аштрафавалі больш як на 5,5 мільёна даляраў у пераліку.
Гэта была адна з найбуйнейшых справаў такога кшталту ў краіне, паведаміла Малапольская Нацыянальная адміністрацыя падатковай службы.
ГЛЯДЗІЦЕ ТАКСАМА:
Віктар Лукашэнка карыстаецца джыпамі, прывезенымі з Аб’яднаных Арабскіх Эміратаў у 2019 годзеЦяпер Расея купляе люксавыя замежныя аўтамабілі праз трэція краіны, бо заходнія забаранілі прадаваць іх туды пасьля пачатку поўнамаштабнага ўварваньня ва Ўкраіну.
Зь лета 2022 года Беларусь пачала актыўна набываць гэтыя аўтамабілі ў Літве, Польшчы і Нямеччыне і перапрадаваць у Расею. З 2023 году такія ж санкцыі дзейнічаюць і супраць Беларусі.
Летась у верасьні польскія праваахоўнікі паведамілі пра затрыманьне групы з 20 чалавек, якая пераправіла ў Расею і Беларусь каля 600 люксавых аўтамабіляў.