Сьпіс рэсурсаў, дададзены у «экстрэмісцкі» сьпіс за мінулыя содні
- aleksandra_dojnicz (Instagram)
- belarusianyounggreens (Беларускiя Маладыя Зяленыя) (Instagram)
- belhelcom_org (Instagram, старонка недаступная)
- center_for_civil_liberties (Центр грамадзянських свабод) (Instagram)
- cyberbeaver_help (Instagram)
- Jaen [Джейн] @jaen.horney (Instagram, старонка недаступная)
- Raman Hladkikh (TikTok)
- roznyjarounyja (Розныя-Роўныя) (Instagram)
- Studfreedom | Belarus (Telegram)
- thekrama.store (Instagram)
- young.people.plus (Маладыя Людзi +) (Instagram)
- БРЦ / Беларускi расследавальнiцкi цэнтр (Facebook)
- Жыве Беларусь! (фільм)
Фільм «Жыве Беларусь!» зьняты ў 2012 годзе польскім рэжысэрам беларускага паходжаньня Кшыштафам Лукашэвічам паводле сцэнара, напісанага супольна з Францішкам Вячоркам. У фільме зьняліся беларускія акторы.
Маладога рок-музыку Мірона Захарку забіраюць у войска, а гурт трапляе ў чорныя сьпісы. У войску ён пачынае весьці дзёньнік у інтэрнэце, дзе апісвае дзедаўшчыну і ўмовы службы. Дзёньнік перарастае ў адкрытае супрацьстаяньне з рэжымам.
Фільм здымаўся ў лістападзе — сьнежні 2011 году ў Польшчы. Аднак Амбасада Беларусі ў Польшчы рэзка асудзіла фільм і заклікала не паказваць у кінатэатрах
Фільм часткова заснаваны на фактах біяграфіі Францішка Вячоркі. Музыку да фільму напісаў Лявон Вольскі. Актору Анатолю Кату за ўдзел у фільму скасавалі кантракт на дзяржаўнай кінастудыі.
Беларускі расьсьледніцкі цэнтар — незалежная арганізацыя, якая спэцыялізуецца на журналісцкіх расьсьледаваньнях. БРЦ — сябра Міжнароднага цэнтру дасьледаваньняў карупцыі і арганізаванай злачыннасьці (OCCRP), пэрыядычна супрацоўнічае з журналістамі зь іншых краін у межах сумесных расьсьледаваньняў.
Журналісты БРЦ — ляўрэаты нацыянальнай прэміі «Вольнае слова» Беларускай асацыяцыі журналістаў за расьсьледаваньні ў 2018, 2019, 2020 і 2021 гадах.
Беларускі Хэльсынскі камітэт — праваабарончая арганізацыя, што працуе з 1995 году. Яе заснавальнікамі былі вядомыя грамадзкія, палітычныя і культурныя дзеячы краіны: Васіль Быкаў (ён жа — першы старшыня Назіральнага Сойму БХК), Рыгор Барадулін, Радзім Гарэцкі, Сьвятлана Алексіевіч, Генадзь Бураўкін, Юрый Хадыка, Карлас Шэрман і іншыя.
У верасьні 2021 году, улады пазбавілі БХК рэгістрацыі, аднак арганізацыя працягнула сваю дзейнасьць. У ліпені 2022 году БХК атрымаў кансультацыйны статус пры Эканамічнай і сацыяльнай радзе ААН, стаўшы першай беларускай недзяржаўнай арганізацыяй з такім статусам.
31 сакавіка 2026 году КДБ ўнёс БХК ў сьпіс «экстрэмісцкіх фармаваньняў».