Як паведамляе аб’яднаньне BelPol, якое праводзіць незалежнымі расьсьледваньні, да іх патрапіў дакумэнт на імя генэральнага дырэктара папраўчай калёніі нумар 2 горада Бабруйска Дзяніса Ішчэйкіна.
У ім намесьнік дырэктара па камэрцыйных пытаньнях «Магілёўскага вагонабудаўнічага заводу», які ўваходзіць у структуру холдынга БелАЗ, Сяргей Бялясаў просіць Ішчэйкіна «ў мэтах своечасовага выкананьня пляну па вытворчасьці грузавых вагонаў» выканаць заяўкі на пастаўку камплектуючых, тэрмін выкананьня якіх папраўчая калёнія зрывае.
«Гэта азначае адно: людзей у калёніях, у тым ліку палітвязьняў, выкарыстоўваюць як танную і бяспраўную працоўную сілу для выкананьня плянаў прадпрыемстваў», — заявілі ў BelPol.
БелАЗ, нагадваюць расьсьледвальнікі, зьяўляецца «адным з „гаманцоў“ Лукашэнкі» і «выконвае дзяржаўную абаронную замову», займаючыся гальванаапрацоўкай кольцаў для 122 мм рэактыўных снарадаў для РСЗА «Град».