Цяпер рабіць гідра-, пара- і гукаізаляцыю ў кватэрах можна без распрацоўкі праекту.
Таксама можна не складаць дамовы будаўнічага падраду, а рабіць рамонт самому ці наймаць адмыслоўцаў, якія займаюцца будаўніцтвам як асноўнай дзейнасьцю.
Палёгка ня тычыцца ўнясеньня зьменаў у апорныя канструкцыі, сыстэмы сьмецьце- і газавыдаленьня, а таксама цеплаізаляцыі. На іх спатрэбіцца дазвол.
Узгадняць усталяваньне антэны усё яшчэ трэба, аднак маляваць плян-схему ўжо не давядзецца.
Адпаведныя зьмены ўводзяцца пастановай «Аб перабудове і пераплянаваньні, усталяваньні на дахах і фасадах шматкватэрных жылых дамоў індывідуальных антэнаў і іншых канструкцыяў», вынікае з паведамленьня прэсавай службы ўраду.