Губэрнатар Мурманскай вобласьці Расеі Андрэй Чыбіс паведаміў, што сярод загінулых у выніку крушэньня ваенна-транспартнага самалёта Ан-26 у анэксаваным Крыме быў камандуючы 45-й арміяй Вайскова-паветраных сілаў і супрацьпаветранай абароны Паўночнага флёту Расеі Аляксандар Атрошчанка.
Раней пра гібель генэрала пісала Расейская служба BBC са спасылкай на свае крыніцы.
Самалёт Ан-26 упаў 31 сакавіка ў раёне вёскі Куйбышава. Паводле расейскага Міністэрства абароны, у выніку крушэньня загінулі 29 чалавек – шэсьць членаў экіпажа і 23 пасажыры. У ведамстве сьцьвярджаюць, што «паражальнага ўзьдзеяньня па самалёце не было», папярэдняя прычына крушэньня – «тэхнічная няспраўнасьць».