Як паведамляе Белстат аб выніках першага кварталу 2026 году, спад у апрацоўчай прамысловасьці Беларусі склаў 3,4%. У Менску гэты спад за першы квартал склаў 8,6%.
Пры гэтым у Менску — найбольшыя запасы на складах. Калі ў Беларусі ў цэлым аб’ём запасаў за першы квартал склаў 85,1% месячнага аб’ёму вытворчасьці, то ў Менску — 115,9% месячнага аб’ёму. Гэта больш за вызначаную ўрадам норму — 60 працэнтаў месячнага аб’ёму вытворчасьці.
Пры гэтым у Менску найбольшыя заробкі. Калі ў сярэднім за першы квартал беларусы атрымлівалі заробак 2866,8 рубля ў месяц, то менчукі — 3814 рублёў.
У студзені–лютым 2026 году прадукцыйнасць працы ў адносінах да ВУП зьнізілася ў параўнаньні з студзенем–лютым 2025 году на 1,4%.
Расьце колькасьць стратных прадпрыемстваў. У леташнім студзені іх было 2146, а ў сёлетнім — 2733. На люты 2026 году доля стратных арганізацыяў у эканоміцы Беларусі вырасла з 25% да 31,9%.