Як паведамляе BBC, гэта адбылося пасьля працяглых перамоваў у рамках трохпартыйнага кааліцыйнага ўраду пад кіраўніцтвам кансэрватараў, але пакуль незразумела, як і калі забарона будзе ўведзена.
Абвяшчаючы пра плян, віцэ-канцлер Андрэас Баблер, прадстаўнік сацыял-дэмакратаў, заявіў, што ўрад ня можа стаяць склаўшы рукі і назіраць, як сацыяльныя сеткі робяць дзяцей «залежнымі, а часта таксама хворымі».
Ён заявіў, што да гэтай праблемы трэба ставіцца гэтак жа, як да алькаголю ці тытуню: «У лічбавым сьвеце таксама павінны быць выразныя правілы».
У будучыні, сказаў Баблер, дзеці ва ўзросьце да 14 гадоў будуць абаронены ад альгарытмаў, якія выклікаюць залежнасьць.
25 сакавіка журы прысяжных у ЗША вырашыла, што два гіганты сацыяльных сетак, Meta і Google, наўмысна стварылі альгарытмы, якія выклікаюць залежнасьць і шкодзяць псыхічнаму здароўю маладых людзей.
ГЛЯДЗІЦЕ ТАКСАМА: У амэрыканскім судзе Meta і Google прызналі адказнымі за дзіцячую залежнасьць ад сацсетак