«Расея застаецца найбольш значнай і непасрэднай пагрозай нашай бясьпецы, міру і стабільнасьці ў эўраатлянтычным рэгіёне. Яе жорсткую вайну супраць Украіны, якая вядзецца ўжо пяты год, падтрымліваюць Кітай, Паўночная Карэя, Іран і Беларусь. Стратэгічная канкурэнцыя ўзрастае, тэрарызм зьяўляецца пастаяннай пагрозай для NATO, а нашыя паўднёвыя суседзі нестабільныя», — адзначаецца ў справаздачы.
Згодна з дакумэнтам, цягам 2025 году Расея працягвала выпрабоўваць Альянс, у тым ліку, парушаючы паветраную прастору і ажыцьцяўляючы зламысную кібердзейнасьць.
«Рэакцыя NATO на правакацыі Расеі была хуткай, выразнай і рашучай. Для абароны крытычна важнай інфраструктуры саюзьнікаў на моры мы запусьцілі місію „Балтыйскі вартавы“. Каб павысіць нашу пільнасьць і ўмацаваць нашы сілы стрымліваньня і абароны на ўсходнім флянгу, мы таксама запусьцілі місію „Усходні вартавы“. Наяўнасьць большай колькасьці сіл, гатовых на сушы, на моры і ў паветры, пасылае моцны сыгнал аб салідарнасьці, сіле і рашучасьці саюзьнікаў», — адзначаецца ў справаздачы.
ГЛЯДЗІЦЕ ТАКСАМА: Інстытут вывучэньня вайны: Расея працягне разьвіваць у Беларусі свой вайсковы патэнцыял для падтрымкі вайны ва Ўкраіне