Гэты дзень у гісторыі
1944 — У часе Другой сусьветнай вайны савецкія войскі ўзялі горад Бельцы ў Малдове і выйшлі да дзяржаўнай мяжы СССР.
1944 — у Менску пад нямецкай акупацыяй у гарадзкім тэатры адбылася прэм’ера опэры «Ўсяслаў Чарадзей» кампазытара Міколы Шчаглова-Куліковіча на вершы Натальлі Арсеньневай.
1948 — ЗША ўводзяць эмбарга на гандаль так званымі стратэгічнымі таварамі з сацыялістычнымі краінамі.
1953 — Джонас Солк абвяшчае пра стварэньне вакцыны ад поліяміеліту.
1971 — Банглядэш (Усходні Пакістан) абвяшчае сваю незалежнасьць ад Пакістану.
1988 — Утварэньне заснавальніцкага камітэту Беларускага Аб’яднаньня Студэнтаў (БАС) у Польшчы.
1989 — выбары народных дэпутатаў СССР, першыя часткова свабодныя выбары вышэйшага органа ўлады ў гісторыі СССР.
1995 — Пачынае дзейнічаць Шэнгенскае пагадненьне.
1996 — у ноч на 26 сакавіка Зянон Пазьняк і Сяргей Навумчык пакідаюць Беларусь.
2000 — Уладзімір Пуцін упершыню абраны прэзыдэнтам Расеі.
У гэты дзень нарадзіліся
1874 — Робэрт Фрост, амэрыканскі пісьменьнік.
Робэрт Фрост
1911 — Тэнэсі Ўільямс, амэрыканскі пісьменьнік.
1940 — Міхаіл Касьцюк, беларускі гісторык, акадэмік НАН Беларусі, аўтар больш як 250 навуковых прац, 10 манаграфій.
Міхаіл Касьцюк
1942 — Іван Арабейка, беларускі паэт.
Так заўжды — у вятрах, навальніцах.
Доля дрэў — ці ня доля твая?
Гэта ж трэба ад буры хіліцца —
І ў зацішку гайдаць салаўя.
1949 — Патрык Зюскінд, нямецкі пісьменьнік.
1960 — Віктар Шніп, беларускі паэт.
І, нібы кроў, цякло праз ноч паветра
Да зорак, да якіх усе ляцім,
І кроў тут — не вада, жыцьцё — ня дым,
Бо ёсьць Айчына, у якой турма,
Нібы ў Хрыстовым целе цьвік,
А іншае Айчыны ў нас няма...
1988 — Франак Вячорка, беларускі палітык, дарадца дэмакратычнай лідэркі Беларусі Сьвятланы Ціханоўскай.
Франак Вячорка
У памяці
1827 — Людвіг ван Бэтховэн, нямецкі кампазытар.
Людвіг ван Бэтховэн
1923 — Сара Бэрнар, француская акторка.
1932 — Зыгмунт Лазінскі, беларускі каталіцкі рэлігійны дзяяч, біскуп.
2007 — Алесь Юршэвіч, дзяяч паваеннага нацыянальнага супраціву, адзін з заснавальнікаў Саюзу беларускіх патрыётаў.
2017 — Май Данцыг, беларускі мастак.
Карціна Мая Данцыга