Дата дня
23 сакавіка 1942 году памёр Антон Луцкевіч, беларускі палітычны дзеяч, публіцыст і навуковец. Антон Луцкевіч быў ініцыятарам абвяшчэньня незалежнасьці Беларускай Народнай Рэспублікі, аўтарам Трэцяй устаўной граматы і прэмʼер-міністрам БНР.
Таксама ў гэты дзень
1716 — утворана Вiленская канфэдэрацыя — саюз беларускай і літоўскай шляхты, накіраваны супраць палітыкі абсалютызму тагачаснага кіраўніка краіны Аўгуста ІІ Моцнага.
1918 — дэлегацыя Віленскай Беларускай Рады на чале з Антонам Луцкевічам прыбывае ў Менск. Луцкевіч выступіў на паседжаньні Народнага Сакратарыяту. Пасьля гэтай прамовы менш як праз два дні Беларусь будзе абвешчаная незалежнай краінай.
1925 — адбыўся напад на станцыю Ляхавічы. 30-40 савецкіх дывэрсантаў адабралі ў паліцыянтаў зброю, завалодалі касай і ўцяклі за савецкую мяжу.
1933 — Адольф Гітлер атрымаў дыктатарскія паўнамоцтвы ад Райхстагу Нямеччыны.
1990 — заснаваны музэй гісторыі тэатральнай і музычнай культуры Беларусі.
1991 — у Менску пачаўся II зьезд Беларускага Народнага Фронту «Адраджэньне».
II зьезд БНФ: у прэзыдыюме Лявон Баршчэўскі, Васіль Быкаў, Міхась Ткачоў, Юры Хадыка, Зянон Пазьняк, Валянцін Голубеў, 1991
2006 — удзельнікі намётавага мястэчка на Кастрычніцкай плошчы ў Менску пачалі зьбіраць подпісы за перавыбары. Мястэчка ўзьнікла пасьля прэзыдэнцкіх выбараў 19 сакавіка 2006 году.
Плошча-2006
2007 — у Самалі быў зьбіты самалёт «Іл-76» беларускай авіякампаніі «Трансавіяэкспарт». На борце самалёта было 11 грамадзян Беларусі, усе яны загінулі.
2019 — масавае сьвяткаваньне БНР-101 адбылося ў Горадні.
2021 — у Горадні арыштавалі Анжаліку Борыс, а яшчэ праз два дні — Анджэя Пачобута.
2022 — арыштавалі Зьмітра і Насту Дашкевіч, у іх дома ўчынілі ператрус.
2022 — арыштавалі Тацяну Вадаласкую, сацыялягіню, каардынатарку «Лятучага ўнівэрсытэту».
У гэты дзень нарадзіліся
1895 — Васіль Сташэўскі, драматург і празаік, ахвяра сталінізму.
1899 — Вольга Галіна, актрыса, народная артыстка Беларусі.
1906 — Ісак Любан, беларускі кампазытар, аўтар музыкі да песьні «Бывайце здаровы».
Your browser doesn’t support HTML5
1981. Гісторыя песьні "Бывайце здаровы"
1910 — Акіра Курасава, японскі кінарэжысэр, прадусар і сцэнарыст.
Акіра Курасава
1925 — Віктар Швед, беларускі паэт на Падляшшы.
Зямля забрала нам бацькоў,
Бацькамі сталіся мы самі.
І састарэліся ізноў,
І хутка пойдзем за бацькамі.
Такі жыцьця кругаварот
На нашым незвычайным сьвеце.
Нясе нам зьмены кожны год,
Становяцца бацькамі дзеці.
1930 — Леанід Бурак, мовазнавец, аўтар падручнікаў.
1948 — Генадзь Пашкоў, беларускі літаратар і перакладчык.
У памяці
1654 — Аляксандар Радзівіл, дзяржаўны і вайсковы дзяяч ВКЛ.
1662 — Адам Саковіч, дзяржаўны і вайсковы дзяяч ВКЛ, у 13-гадовую вайну ваявода смаленскі.
1695 — Людвіка Караліна Радзівіл, арыстакратка, дзяячка кальвінізму, мэцэнатка.
1821 — Францішак Ельскі, дзяржаўны дзяяч ВКЛ.
1942 — Антон Луцкевіч, палітык, лідэр беларускага адраджэньня, загінуў у ГУЛАГу.
942 — Сяргей Ракіта, паэт, загінуў у ГУЛАГу.
Энтузіязм ня зьмераць
Баромэтрам плякатаў, праграм.
У будучнасьць шчасная вера
Дадзена нам.
1978 — Рыгор Шырма, беларускі харавы дырыгент. У 1927–1936 гадах быў сакратаром Таварыства беларускай школы.
Рыгор Шырма. Магіла на Ўсходніх могілках.
2016 — ад анкалягічнай хваробы памерла Ганна Вольская, прадусарка гурту «Крамбамбуля» і жонка Лявона Вольскага.
Ганна Вольская
2020 — Пятро Лысенка, археоляг.